medium

large

thumbnail

1536x1536

2048x2048

small

custom-size

Afhentu bæjarstjóra undirskriftalista

Menningarferð FaB um Lundarreykjadal

Valentin vann gull á Mjölni Open fimmta árið í röð

Fjölgað í húsvarðateymi sveitarfélagsins

Ólafsvíkurvöllur og Skallagrímsvöllur á lista topp tíu valla landsins

Tólf skiluðu inn framboðum til forseta

core/freeform

Norskir fósturvísar af kúastofninum Aberdeen Angus voru fluttir inn frá Noregi 2017 og komið fyrir í kúm sem höfðar voru í sérstakri einangrunarstöð á Stóra Ármóti í Flóahreppi. Þriðjungurinn af þeim 33 kúm sem fósturvísunum var komið fyrir í báru kálfum sem nú eru að vaxa úr grasi, sá elsti 11 mánaða. Úr nautkálfunum sem fæddust fyrir tæpu ári er nú hafin sæðistaka á vegum Nautastöðvar BÍ á Hesti. Á vefsíðu stöðvarinnar kemur fram að tekið hafi verið sæði í dag úr ellefu mánaða gömlu bolunum Baldri og Draumi og voru 380 skammtar frystir. Fyrstu tíu stráin fór strax í kút hjá Þorvaldi Jónssyni frjótækni frá Innri-Skeljabrekku sem brunaði beint á heimaslóðir og sæddi fyrstu kúna á Hvanneyrarbúinu með sæði úr Draumi.

Bændur sem vilja rækta holdanaut geta nú pantað sæði úr þessum arfhreina nýja Aberdeen Angus stofni sem kallaður er AA. Jafnframt hefur einangrun verið aflétt af kálfum sem fæddust á einangrunarstöðinni á Stóra-Ármóti á síðasta ári og nautkálfarnir seldir bændum til ræktunar. Það munu þó mörg ár líða þar til ræktun hér á landi fer að skila teljandi árangri og kjötið af þessum nýja stofni verður ekki ríkjandi á markaði hér fyrr en eftir fimm til tíu ár. Verulegur skortur er á íslensku nautakjöti á markaði og því eru miklar vonir bundnar við ræktun nýs holdanautastofns. Með innflutningi fósturvísa má segja að íslenskir bændur fái aðgang að ræktunarstarfi norskra starfsbræðra þeirra.

Fyrsta sæðistakan úr Aberdeen Angus blendingunum