medium

large

thumbnail

1536x1536

2048x2048

small

custom-size

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

Brúin komin á sinn stað yfir Berjadalsá

ÞB Borg reisir glæsihýsi í Stykkishólmi

Brást illa við afskiptum lögreglu

Fjölmenningarskóli Vesturlands tekinn til starfa

core/freeform

Á síðasta degi júlímánaðar voru hjá Vegagerðinni opnuð tilboð í lengingu Norðurgarðs Ólafsvíkurhafnar. Hafnarstjórn Snæfellsbæjar hafði endurauglýst útboð þar sem einungis barst eitt tilboð, 80% yfir kostnaðaráætlun, þegar það var auglýst í vor. Að þessu sinni reyndist áhugi verktaka mun meiri og sjö tilboð bárust. Reyndust þau öll yfir kostnaðaráætlun Vegagerðarinnar sem hljóðar upp á 128 milljónir króna. Lægsta tilboð átti Grjótverk ehf. á Hnífsdal, 147 milljónir króna, sem er tæplega 15% yfir áætluðum kostnaði. Borgarverk ehf. átti næstlægsta boð; 153,4 milljónir króna.

Í verkinu felst útlögn grjóts og kjarna upp á 36 þúsund rúmmetra auk upptektar og endurröðunar tvö þúsund rúmmetra. Lengja á hafnargarðinn um 80 metra og breyta núverandi garði meðal annars á þá lund að hægt verði að aka eftir honum. Verktími var lengdur í síðari auglýsingu útboðs en verkinu skal að fullu lokið 1. september 2020.

Fleiri buðu í lengingu Norðurgarðs