medium

large

thumbnail

1536x1536

2048x2048

small

custom-size

„Meirihlutinn á alltaf að ráða för“ segir bæjarstjóri Snæfellsbæjar

Hljómsveitin Brek spilar í Hallgrímkirkju á sunnudaginn

Næturlokun Hvalfjarðarganga í næstu viku

Kjarnorkukafbáturinn USS Newport News í Hvalfirði

Framkvæmdir hafnar við þjónustustöð N1 á Akranesi

Samkomulag um bætur Borgarbyggðar til Fornbílafjelags

core/freeform

Tvö tilraunamöstur hafa verið reist í landi Hróðnýjarstaða í Dölum en fyrirtækið Storm Orka áformar að reisa þar vindmyllugarð til raforkuframleiðslu. Storm Orka eru í eigu bræðranna Magnsúsar B. og Sigurðar E. Jóhannessona sem einnig eru landeigendur að Hróðnýjarstöðum. Á vordögum kom starfshópur frá spænska fyrirtækinu Mesawind á svæðið til að reisa möstrin en fyrirtækið sérhæfir sig í smíði þeirra og uppsetningu. Tilraunamöstrin eru 100 metrar á hæð og munu vera í sömu hæð og áætlaðar vindmyllur að spöðum frádregnum.

„Möstrin voru sett upp í bútum, byggt smátt og smátt ofan á. Það var vindasamt þegar hópurinn var hjá okkur og ég get sagt þér að Manuel hjá Mesawind hafði áhyggjur af stöðunni um tíma. Hann sagðist ekki geta sent mann til að reisa möstrin í 100 metra hæð í svona roki. Að endingu var ákveðið að vinna þetta á nóttunni því þá reyndist vindur hægari. Það er allt sem bendir til þess að þetta sé gott svæði fyrir vindmyllur, það blæs nóg,“ segir Magnús B. Jóhannesson framkvæmdastjóri Storm Orku í samtali við fréttaritara.

Staða verkefnisins er sú að það er nú í umhverfismati og búið að senda inn gögn til Skipulagsstofnunar til umsagnar. Að sögn Magnúsar er ferlið á góðu róli og undirbúnings- og rannsóknarvinna í gangi. „Það er eðlilegur gangur á þessu. Við höfum lokið einhverjum rannsóknum en eigum töluvert eftir. Verkefnið tekur tíma, við erum búnir að vinna að þessu í þrjú ár og eigum örugglega annað eins eftir,“ segir Magnús um framgang verkefnisins.

Tilraunamöstur komin upp á Hróðnýjarstöðum