medium

thumbnail

small

custom-size

Sundgarpar af Vesturlandi sópuðu til sín verðlaunum

large

1536x1536

Dregið í Fótbolta.net bikarnum

Orkuveitan skilar Reykjavíkurborg Elliðaárdalnum

Ný nálgun í landsáætlun um útrýmingu á riðu

Mynd Sigurðar Más valin ein af fréttaljósmyndum ársins

Atvinnuleysi mældist 4,1% í mars

core/freeform

Meistaraflokkur karla í ÍA var í hátíðarskapi í gær þegar bæjarhátíðin Írskir dagar á Akranesi stóð sem hæst. Liðið gerði sér lítið fyrir og sigraði Fylki í miklum baráttuleik á Akranesvelli þegar 12. umferð Pepsi Max deildar karla var spiluð. Fyrir viðureignina voru Skagamenn búnir að vera á einhverju brölti þrátt fyrir fantagóða byrjun í upphafi tímabils. Fyrir leikinn gegn Fylki var liðið búið að tapa þremur leikjum og gera eitt jafntefli og því hungraði marga í sigur, sem raunin varð.

Heimamenn voru í banastuði allt frá fyrstu mínútu og sýndu mikinn sigurvilja í öllum sínum aðgerðum. Fyrsta marki koma snemma í leiknum. Á 13. mínútu brunaði Hörður Ingi Gunnarsson upp endilangan völlinn og náði með tilþrifum að gefa boltann fyrir liðsfélaga sinn, Tryggva Hrafn Haraldsson, sem potaði knettinum í rétta átt og kom Skagamönnum yfir. Héldu heimamenn eins marks forystu inn í hálfleikinn.

Skagamenn héldu uppi sama hætti í síðari hálfleik, voru skipulagðir í sínum leik og gerðu gestunum úr Árbænum erfitt fyrir. Annað mark Skagamanna kom á 80. mínútu, eftir frábæra fyrirgjöf frá Alberti Hafsteinssyni á Viktor Jónsson sem tók vel á móti boltanum og renndi honum framhjá markmanni gestanna. Fylkir átti góða spretti og reyndu að minnka muninn, en sterkt lið Skagamanna kom í veg fyrir það. Lokatölur, 2-0 ÍA í vil.

Með sigrinum færir ÍA sig upp í þriðja sæti deildarinnar og er með 20 stig eftir 12 umferðir. Í öðru sæti fyrir ofan er Breiðablik með 22 stig en í sætinu fyrir neðan er Stjarnan með 19 stig. Næsti leikur ÍA er gegn KA. Fer hann fram á Greifavelli 21. júlí og hefst klukkan 17:00.

ÍA vann langþráðan sigur