medium

thumbnail

small

custom-size

Halda Sambandsþing Norræna félagsins á Akranesi næstkomandi laugardag

Lánveitingar Byggðastofnunar halda áfram að skapa störf

large

1536x1536

2048x2048

ÍA og Tindastóll mætast í Mjólkurbikarnum

Þungatakmarkanir taka gildi á fimmtudaginn

Fyrri umferð biskupskosningar lokið – Elínborg datt út

Vel mætt á fund miðbæjarsamtakanna um Akratorg

core/freeform

Bæjarhátíðin Ólafsvíkurvaka verður haldin um komandi helgi og er dagskráin í ár fjölbreytt og sniðin að allri fjölskyldunni. Hátíðin hefst annað kvöld þegar bæjarbúar hittast í sínum hverfum og skreyta en venja er fyrir að hvert hverfi fái sinn þemalit yfir hátíðina. Á föstudaginn verður krakka crossfit á sparkvellinum fyrir káta krakka á aldrinum 6-15 ára. Hoppukastalar verða opnaðir við Sáið klukkan 17 og dorgveiðikeppni Sjósnæ hefst klukkan 17:30. Um kvöldið verður boðið upp á boltaþrautir og vítaspyrnukeppni fyrir krakka á sparkvellinum áður en leikur Víkings og Aftureldingar hefst á Ólafsvíkurvelli klukkan 20. Þá verður Garðapartý í Sjómannagarðinum og lifandi tónlist fram eftir nóttu á Sker Restaurant.

Dagskrá laugardagsins er með glæsilegasta móti og hefst á golfmóti á Fróðárvelli og skákmóti í íþróttaahúsi Snæfellsbæjar klukkan 9.30. Farið verður í átthagagöngu undir leiðsögn Sævars Þórjónssonar og Jennýjar Guðmundsdóttir klukkan 12. Gengið verður frá bílastæðinu við kirkjugarð Ólafsvíkur. Eftir hádegið verður fjölbreytt dagskrá við Sáið. Þar verður markaður, frisbigolf, sápubolti og fleira skemmtilegt. Klukkan 14 hefst hátíðardagskrá á Þorgrímspalli þar sem Eir og Melkorka taka lagið, Samúel sýnir töfrabrögð og Alda Dís syngur nokkur vel valin lög og fleira áður en Herra Hnetusmjör mætir á svæðið. Kvölddagskráin hefst með skrúðgöngu úr hverju hverfi klukkan 20:30 og hittast allir í Sjómannagarðinum þar sem sýnd verða hverfaatriði og Jón Sigurðsson stjórnar brekkusöng. Um miðnæti verður dansleikur í Félagsheimilinu Klifi með Stjórninni.

Glæsileg dagskrá á Ólafsvíkurvöku um helgina