medium

large

thumbnail

1536x1536

small

custom-size

Kálfafjós í byggingu á Litla Kroppi

Þema ljósmyndasamkeppni er gleði

2048x2048

Bæjarsjóður Akraneskaupstaðar gerður upp með 319 milljóna króna hagnaði

Gleðilegt sumar!

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

core/freeform

Í lok síðustu viku kom vaskur hópur Varmalandsmeyja saman á nýju Hótel Varmalandi í Stafholtstungum. Þetta var hópur 29 kvenna sem útskrifuðust frá Húsmæðraskólanum á Varmalandi vorið 1959 en með þeim í för voru 17 makar. Hópurinn gisti í tvær nætur og fór auk þess skoðunarferð um Borgarfjörð. Glatt var á hjalla hjá hópnum eins og einatt þegar gamlir skólafélagar koma saman. Ekki er búið að opna hótelið formlega fyrir gestum, en undantekning var gerð til að hægt væri að taka á móti fyrrum nemendum sem dvöldu í sama skólahúsi fyrir sextíu árum. Lítilsháttar frágangur er enn eftir við húsnæðið og lóð áður en Hótel Varmaland verður formlega opnað á næstunni. Nánar verður sagt frá því þegar líður að opnun.

„Við gistum hér í tvær nætur og fengum góðan morgunverð og veislukvöldverð í glæsilegum matsal á efstu hæðinni. Það var dekrað við okkur og öll þjónusta til fyrirmyndar. Við vorum öll mjög ánægð og sendum Helenu hótelstjóra og starfsfólki hennar bestu þakkir fyrir þessa frábæru daga. Gefum þjónustunni fimm stjörnur,“ segir Sigurbjörg Viggósdóttir frá Rauðanesi sem var í undirbúningsnefnd um skipulag og hitting þeirra skólasystra, Varmalandsmeyja 1959.

Varmalandsmeyjar fyrstar til að nýta Hótel Varmaland