medium

large

thumbnail

1536x1536

2048x2048

small

custom-size

Grunngildi skátahreyfingarinnar vísa leiðina út í lífið

Forgangsraða þurfi vegaframkvæmdum

Jólatónleikar kóranna á Snæfellsnesi

Geir lætur af störfum hjá Knattspyrnufélagi ÍA

Grundaskóli safnaði yfir milljón króna fyrir Malaví

Bríet lækkar leiguna um tæpan þriðjung í desember

core/freeform

Konur í Kvenfélagasambandi Snæfellsness- og Hnappadalssýslu hittust að venju á 19. júní til að gera sér glaðan dag og halda uppá kvennréttindadaginn. Að þessu sinni sáu konur í Kvenfélagi Ólafsvíkur um boðið. Buðu þær upp á ljúffengan mat og drykk í Safnaðarheimili Ólafsvíkurkirkju þangað sem á milli fimmtíu og sextíu konur frá kvenfélögum innan sambandsins mættu.

Margt var gert sér til skemmtunar en þrír nemendur Tónlistarskóla Snæfellsbæjar, þau Ísey Fannarsdóttir, Jenný Lind Samúelsdóttir og Magnús Guðni Emanúelsson, sungu við undirleik tónlistarkennara síns Nönnu Aðalheiðar Þórðardóttur. Vöktu þau mikla lukku og frábærir krakkar þarna á ferð. Meira var sungið og Þórhildur Pálsdóttir úr Kvenfélaginu Hringnum í Stykkishólmi söng við undirleik Nönnu Aðalheiðar Þórðardóttur. Elsa Bergmundsdóttir og Svanhildur Pálsdóttir úr Kvenfélagi Ólafsvíkur sögðu skemmtilegar sögur úr eigin reynslubanka. Svanhildur Jónsdóttir frá kvenfélaginu Hringnum í Stykkishólmi las einnig upp skemmtisögur ásamt því að Sólrún Guðjónsdóttir frá Kvenfélaginu Gleym mér ey í Grundarfirði fræddi okkur um Kvenfélagasambandið.  Eftir að hafa átt skemmtilega stund í Safnaðarheimilinu skelltu konurnar sér út í myndatöku á tröppum kirkjunnar áður en þær héldu af stað í skoðunarferð. Var ferðinni heitið í Gallerí Jökul sem er nýtt gallerí í Snæfellsbæ sem opnað var í vor.

Snæfellskar kvenfélagskonur skemmtu sér saman