medium

large

thumbnail

1536x1536

2048x2048

small

custom-size

Amma Andrea og Flotinn hlutu viðurkenningu Barnaheilla

Fjórða tap Snæfells í röð kom á móti Fjölni

Mikil eftirspurn eftir greiðslumarki í sauðfé

Allnokkrir ökumenn í símanum við aksturinn

Stýrivextir ögn niður

Kortleggja allt ræktunarland í landinu

core/freeform

Listsýningin „Nr 3 - Umhverfing“ var opnuð með formlegum hætti um liðna helgi og verður opin fram í byrjun september. Á henni er að finna verk eftir sjö tugi listamanna sem allir eiga rætur eða tengingu við Snæfellsnes. Það sem gerir sýninguna óvenjulega er að sýningarstaðirnir eru fimmtán talsins víðsvegar um Snæfellsnes.

Fjölmargir ávörpuðu gesti á laugardaginn þegar sýningin var formlega opnuð í Breiðabliki. Þeirra á meðal Elísabet Haraldsdóttir menningarfulltrúi Vesturlands sem þarna fylgdi úr hlaði síðasta verkefni sínu í starfi. Hún fyllti sjö tugi í síðustu viku og lætur af störfum hjá SSV nú í vikunni. Þá ávarpaði Ásmundur Einar Daðason félagsmálaráðherra samkomuna og flutti kveðju Sigurðar Inga Jóhannssonar ráðherra byggðamála í ljósi þess stuðnings sem Byggðastofnun veitti endurbótum á Breiðabliki. Björg Ágústsdóttir formaður stjórnar Svæðisgarðsins ávarpaði samkomuna sem og listakonurnar sem standa að Umhverfingu. Karlakórinn Heiðbjört söng auk þess nokkur lög.

Heiti sýningarinnar Nr. 3 Umhverfing vísar til að hún flakkar í kringum landið og er afmarkaður landshluti undir hverju sinni, að þessu sinni Snæfellsnes og er þetta stærsta Umhverfingin til þessa. Verkefnið er samstarf Akademíu skynjunarinnar, undir stjórn sýningarstjóranna Ragnhildar Stefánsdóttur, Önnu Eyjólfs og Þórdísar Öldu Sigurðardóttur, auk Svæðisgarðsins Snæfellssnes. Í Breiðabliki er hægt að nálgast upplýsingar um sýnendur, sýningarstaði og leggja drög að skemmtilegu ferðalagi um Snæfellsnes þar sem hægt er að tvinna saman náttúrulífsskoðun og að njóta myndlistar. Ragnheiður Sigurðardóttir framkvæmdastjóri Svæðisgarðsins var að vonum ánægð með laugardaginn. Fagnaði hún þessum tvöfalda áfanga í starfsemi Svæðisgarðsins; opnun gestastofu og stærstu listsýningu sem haldin hefur verið á svæðinu. Það væri stór áfangi að hafa opnað myndarlega gestastofu og ánægjulegt að sveitarfélög á Snæfellnesi og atvinnulífið hafi tekið höndum saman um verkefnið. Þá sagði hún sýninguna Nr 3 Umhverfing vera afar ánægjulegt verkefni. Hún sýndi svo ekki væri um villst að Snæfellsnes hefði alið af sér stóran og öflugan hóp listafólks sem sannarlega væri sómi af. Eftir formlega opnun sýningarinnar var haldið í rútuferð um svæðið í einmuna blíðu þar sem skoðaðir verða snæfellskir áfangastaðir, nokkurs konar brot af því besta með áherslu á þjónustu, náttúru, sögu og myndlist.

Eins og áður segir er ástæða til að hvetja lesendur til að kynna sér sýninguna Nr. 3 Umhverfing sem opin verður fram í byrjun septembermánaðar. Upplagt er að slá saman ökuferð um Snæfellsnes og skoða um leið list sem öll á rætur sínar á svæðið. Allar nánari upplýsingar um sýnendur, sýningarstaði og verk þeirra er að finna í bók sem gefin var út um sýninguna og verður meðal annars hægt að nálgast hana í Breiðabliki, Pakkhúsinu Ólafsvík og Norska húsinu í Stykkishólmi.

<em>Sjá nánar í Skessuhorni vikunnar.</em>

Stórsýning sjötíu listamanna víða á Snæfellsnesi