medium

large

thumbnail

1536x1536

small

custom-size

Skallagrímur tapaði naumlega fyrir Þór

2048x2048

Grímutölt Borgfirðings fór fram á laugardaginn

Viktor með þrennu í stórsigri Skagamanna

Nýtt póstbox tekið í notkun í Búðardal

Borgfirðingabók komin á Storytel

Hvalfjörður – efnaverksmiðja í bígerð

core/freeform

Fyrstu leigjendur Bjargs íbúðafélags fengu í morgun afhenta lyklana af íbúðum sínum við Asparskóga 12 og 14 á Akranesi. Allar íbúðirnar í húsunum tveimur verða afhentar í dag í þremur úthlutunum, en samtals eru 22 íbúðir í húsunum tveimur. Þriðja húsið kom til landsins fyrr í mánuðinum, búið er að reisa einingar þess og verður afhent leigjendum síðar í sumar. Einingarnar í fyrri tvö húsin komu til landsins frá Lettlandi 31. mars síðastliðinn. Bjarg íbúðarfélag er á vegum verkalýðsfélaga en um er að ræða leigufélag sem rekið verður án hagnaðarmarkmiða og ætlað að tryggja tekjulágum fjölskyldum á vinnumarkaði aðgengi að öruggu íbúðarhúsnæði í langtímaleigu.

Við afhentingu íbúðanna var bæjarstjórn Akraness viðstödd sem og Vilhjálmur Birgisson formaður Verkalýðsfélags Akraness. Sævar Freyr Þráinsson bæjarstjóri ávarpaði viðstadda og þakkaði öllum þeim sem komu að byggingu húsanna fyrir þetta skref til að tryggja öruggt leiguhúsnæði á Akranesi á viðráðanlegum kjörum. Vilhjálmur sagðist þakklátur fyrir þetta skref og sérstaklega þakklátur Akraneskaupstað fyrir sitt framlag í verkefninu.

Bjarg íbúðafélag afhenti í morgun fyrstu íbúðirnar við Asparskóga