medium

large

thumbnail

1536x1536

small

custom-size

Gyða Björk kosin formaður ÍA á áttugasta ársþingi félagsins

Bæjarstjórn kynnir hugmyndir að nýju ráðhúsi við Mánabraut

2048x2048

Askja hefur opnað bílaumboð sitt á Vesturlandi

Forysta Framsóknar endurnýjaði umboð sitt

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

core/freeform

Veðurspákerfið á vefnum blika.is er rekið af Veðurvaktinni ehf. sem er í umsjón Einars Sveinbjörnssonar veðurfræðings og Sveins Gauta Einarssonar, umhverfis- og orkuverkfræðings. Í tilkynningu frá þeim félögum kemur fram að nú gefst notendum veðurspársíðunnar sá möguleiki að fá veðurspá fyrir öll lögbýli landins og fjölmörg eyðibýli að auki. „Með því hafa bæst við yfir sex þúsund staðsetningar. Fyrir voru um þrjú þúsund örnefni, veðurstöðvar, skálar og gististaðir á landinu. Einnig sumarhúsalönd, golfvellir, veiðihús, eyjar, fjallstindar o.fl. um land allt.“

Blika.is tengir saman skrár yfir örnefni og fínkvarða veðurspár ekki ósvipað og „norsku“ spárnar sem margir þekkja á yr.no. En Blika.is reiknar sitt eigið veðurlíkan í hraðvirkum tölvum fjórum sinnum á dag í þéttriðnu neti með klukkustundar upplausn. Möskvarnir eru þrír km á meðan spár yr.no yfir Íslandi eru með 12 km á milli reiknipunkta.

Veðurþjónustan á blika.is er öllum opin og aðgengileg. Vefurinn er einfaldur og hraðvirkur og sérstaklega sniðinn að snjallsímum.  „Spákerfið er í stöðugri þróun. Væntanleg er ensk útgáfa og gæði spánna mun batna með gervigreind. Þá er keyrð endurgreining aftur í tímann þar sem veðurmælingar koma við sögu.  Tilraunir á nokkrum stöðum svo sem í Reykjavík og á Ísafirði lofa þar góðu. Veðurspárnar eru hluti af sjálfvirknivæðingunni í samfélaginu. Miklir möguleikar felast í tengingu kerfa og miðlun til notenda á skýran og aðgengilegan hátt,“ segir Einar Sveinbjörnsson veðurfræðingur.

<a href="http://blika.is">Sjá nánar hér.</a>

Veðurspár fyrir einstök lögbýli nú aðgengilegar á Blika.is