Nú stendur yfir öryggisinnköllun á bílum frá bifreiðaumboðinu BL vegna mögulegs galla í ræsibúnaði fyrir loftpúða frá japanska framleiðandanum Takata. Þessi innköllun er ein sú viðamesta að umfangi sem bílaframleiðendur hafa staðið frammi fyrir og snertir marga framleiðendur.

Hvaða bílar BL eru EKKI með loftpúða frá Takata?

Af þeim merkjum sem BL selur og þjónustar eru eftirfarandi framleiðendur ekki með loftpúða frá Takata og því á innköllunin ekki við eftirtalda: Dacia, Hyundai, Isuzu, Jaguar, Land Rover, MINI og Renault.

Þau merki BL sem innköllunin nær til

Af þeim merkjum sem BL selur og þjónustar eru eftirfarandi framleiðendur með loftpúða frá Takata: Nissan, Subaru og BMW. Árgerðir bílana og yfirlit yfir þær gerðir sem um er að ræða má finna hér að neðan ásamt stöðu á innkölluninni eins og hún var í byrjun apríl 2019.

Nissan:

Gerðir	Árgerðir	Fjöldi	Lokið	Eftir
Patrol, X-Trail, Note, Almera, Navara D22, Terrano og Tiida	2007 og eldri	4.200	2.229	1.971

Subaru:

Gerðir	Árgerðir	Fjöldi	Lokið	Eftir
Impreza og Forester	2009-2014	510	317	193
Legacy, Outback og Tribeca	2014-2011	2.186	1.001	1.185
Impreza	2004-2008	528	337	191

BMW:

Gerðir	Árgerðir	Fjöldi	Lokið	Eftir
5 series, 3, series og X5	2005 og eldri	158	84	74
5 series, 3, series og X5	2005 og eldri	122	30	92
5 series og X5	2005 og eldri	3	1	2
3 series	2005 og eldri	109	5	104

Nánari upplýsingar á vefsíðunni

Mjög mikilvægt er að eigendur ofangreindra bíla af umræddum árgerðum svari innköllun BL með tímapöntun fyrir loftpúðaskiptin. Til að auðvelda bíleigendum ferlið hefur BL nú sett upp sérstaka vefsíðu á bl.is (https://innkollun.bl.is/) þar sem hægt er að slá inn 5 stafa bílnúmeri (sk. fastanúmer) til að sjá hvort umræddur bíll sé á innköllunarskrá. Sé bíllinn á skránni er eigendum bent á að hafa samband við BL í síma 525 8000 til að panta endurgjaldslausan tíma í loftpúðaskipti.

Á við bíla frá BL

Þess ber að geta að ofantaldar innkallanir eiga aðeins um þá bíla sem BL hefur flutt inn. Nauðsynlegar upplýsingar um aðra bíla af merkjum BL sem fluttir fluttir voru inn af öðrum, nýir eða notaðir, þarf að leita sérstaklega að í kerfum framleiðenda. Hægt er að senda póst á bl@bl.is til að fá sérstaka uppflettingu.

-fréttatilkynning

BL boðar loftpúðaskipti í nokkrum gerðum bíla