medium

thumbnail

small

custom-size

Skeifudagur, afmæli Grana og útskrift úr Reiðmanninum framundan

large

1536x1536

Sundgarpar í Borgarnesi

Gyða Björk kosin formaður ÍA á áttugasta ársþingi félagsins

Bæjarstjórn kynnir hugmyndir að nýju ráðhúsi við Mánabraut

2048x2048

Askja hefur opnað bílaumboð sitt á Vesturlandi

Forysta Framsóknar endurnýjaði umboð sitt

core/freeform

Á sumardaginn fyrsta, fimmtudaginn 25. apríl nk., standa Tónlistarskóli Borgarfjarðar og Safnahús Borgarfjarðar fyrir tónleikum þar sem nemendur skólans flytja eigin tónsmíðar við ljóð Böðvars Guðmundssonar. Um 20 lög verða frumflutt. Tónleikarnir hefjast kl. 15.00 og eru opnir öllum. Vonast er til að sem flestir líti við í Safnahúsinu þennan dag og fagni sumri með unga tónlistarfólkinu.

Þetta er í sjöunda sinn sem Safnahúsið og Tónlistarskólinn standa saman að slíku verkefni sem ber vinnuheitið „Að vera skáld og skapa“. Hefur þetta fengið sérstaklega jákvæð viðbrögð, bæði hjá nemendum skólans og fjölskyldum þeirra, svo og hjá sveitarstjórn Borgarbyggðar og íbúum í héraðinu. Það byggir á ákvæði í menningarstefnu Borgarbyggðar um frumkvæði, sköpun og menningararf.

Um 160 nemendur stunda nú nám við Tónlistarskóla Borgarfjarðar sem starfað hefur í rúm fimmtíu ár.  Safnahús hefur verið við lýði síðan um 1960. Vinna stofnanirnar að þessu verkefni þvert á fagsvið sín og verkefnisstjórar eru Guðrún Jónsdóttir forstöðumaður Safnahúss og Theodóra Þorsteinsdóttir skólastjóri Tónlistarskólans.

Á árinu 2019 liggja ljóð Böðvars Guðmundssonar til grundvallar og verður hann viðstaddur tónleikana. Dagskráin tekur um klukkutíma og boðið verður upp á sumarkaffi að henni lokinni.

Í Safnahúsi eru sýningar af ýmsum stærðum og gerðum og verður tónleikagestum boðinn ókeypis aðgangur að þeim þennan dag.

<em>-fréttatilkynning</em>

Að vera skáld og skapa – dagskrá á fyrsta sumardag