Jón Gunnlaugsson áhugamaður um íslenska knattspyrnu fyrr og síðar hefur opnað síðu á Facebook með heitinu „Á sigurslóð.“ Hún er ætluð fyrir áhugafólk um knattspyrnu og aðra þá sem hafa gaman af sögum, myndum og ýmsu sem tengist íslenskri knattspyrnu.

„Síðan á að vera vettvangur skoðanaskipta og umræðu. Um árabil hef ég tekið saman ýmislegt varðandi knattspyrnuna á Akranesi og að sjálfsögðu tengist það beint íslenskri knattspyrnu svo mikið sem Akranes hefur komið þar við sögu. Mig langar til að tileinka Helga Daníelssyni þessa síðu. Hann var óþreytandi allt til æviloka í að taka saman efni tengt knattspyrnunni á Akranesi og ekki síður frábær myndasmiður. Helgi kom víða við á sínum tíma bæði sem leikmaður og félagsmálamaður og setti svo sannarlega svip sinn á íslenska knattspyrnu. Þegar ég byrjaði á þessu áhugamáli mínu fyrir röskum 40 árum var það fyrir áeggjan Helga sem lét mig hafa ógrynni gagna til að vinna úr,“ skrifar Jón Gunnlaugsson.

Jón Gunnlaugsson áhugamaður um knattspyrnusöguna ritstýrir síðunni.

Hefur opnað síðuna „Á sigurslóð“