medium

large

thumbnail

1536x1536

small

custom-size

Norðurland eystra sigurvegari kjördæmamóts í bridds

Skerðingum raforku til flestra stórnotenda hefur verið hætt

Séra Guðrún Karls kjörin biskup Íslands

Garðyrkjuspjall í Safnahúsi – Fræ- og plöntuskiptavika hafin

2048x2048

Alvarlegt vinnuslys í Grundarfirði

Umferðin eykst en ekki jafn hratt og áður

core/freeform

Um næstu mánaðamót verða breytingar hjá fyrirtækinu 310.is ehf. í Borgarnesi. Það hefur frá því í fyrrasumar rekið bónstöð við Sólbakka 27 en þar verður lokað 28. febrúar og flutningur undirbúinn. Fyrirtækið mun flytja starfsemi sína í iðnaðarhúsnæðið við Sólbakka 6 þar sem opnað verður 2. apríl. Í forsvari fyrir fyrirtækið er Kristján J. Sólbakki 6 er hús sem enn er kennt við Borgarplast enda var fyrirtækið þar lengi til húsa. Á nýjum stað verður aukið við starfsemi 310.is.

„Við höfum 500 fermetra húsnæði á Sólbakka 6 og ætlum að nýta 150 af þeim fermetrum undir bón- og þvottastöð auk hjólbarðaverkstæðis. Þá ætlum við að leigja út annan hluta húsnæðisins sem skrifstofu,- geymslu- og iðnaðarhúsnæði. Bónstöðina rekum við áfram og munum bjóða upp á skyndiþvott þar sem bíleigandinn getur slakað á meðan bíllinn er tekinn í gegn og fengið hann hreinan og fínan eftir korter. Þá ætlum við að bjóða upp á dekkjaþjónustu; viðgerðir og sölu á nýjum dekkjum. Til að byrja með ætlum við ekki að hafa dekk á lager heldur verðum í góðum samskiptum við heildsala auk eigin innflutnings. Þá þarf fólk að panta dekkjagang sem verður til afgreiðslu næsta virka dag. Okkar áætlun er að bjóða upp á lægsta verðið í Borgarbyggð,“ segir Kristján J.

Kristján segir að strax frá næstu mánaðamótum geti fyrirtækið boðið húsnæði til leigu en starfsemi 310.is verður ekki opnuð í húsinu fyrr en 2. apríl eins og áður segir. Nú í febrúar bjóða starfsmenn 310.is afslátt af bílaþrifum og bóni, þar til lokað verður um mánaðamótin. Þeir Kristján J, Þórir Örn og Árni Hrafn bjóða viðskiptavini velkomna.

310.is færir sig á nýjan stað í Borgarnesi