Ungmenna- og tómstundabúðirnar verða fluttar á Laugarvatn

Ungmenna- og tómstundabúðir hafa verið starfræktar á Laugum í Sælingsdal frá árinu 2005 en nú er liggur fyrir að þetta er síðasti veturinn sem búðirnar verða starfræktar þar. Leigusamningur UMFÍ og Dalabyggðar um starfsemina á Laugum rennur út í lok maí á þessu ári. UMFÍ hefur gengið frá samningi við Bláskógabyggð um húsnæði í íþróttamiðstöð gamla Íþróttakennaraskólans á Laugavatni undir starfsemina. Búðirnar verða fluttar að Laugavatni í sumar og starfsemin hefst þar næsta haust. Þá segir á vefsíðu Ungmenna- og tómstundabúðanna að öll aðstaða á Laugavatni henti vel undir starfið. „Á Laugavatni er öll aðstaða í göngufæri. Heimavistin er við íþróttahúsið og stutt að fara á milli. Húsakostur á Laugavatni er í góðu ásigkomulagi og er unnið að því að gera allt klárt fyrir næsta vetur,“  segir á vefsíðu Ungmenna- og tómstundabúðanna.

Líkar þetta

Fleiri fréttir

Vetrarfærð á vegum

Snjóþekja, hálka eða hálkublettir eru víðast hvar á vegum á Vesturlandi og skafrenningur nokkuð víða.