Frá óhappi við Glerárskóga í Dölum. Hurð á flutningakassa vörubifreiðar hafði opnast með þeim afleiðingum að hún slóst harkalega utan í stýrishús vörubifreiðar sem kom á móti. Framrúðan bílstjóramegin mölbrotnaði við höggið og rigndi glerbrotum yfir bílstjórann sem skarst í andliti. Við óhappið missti bílstjórinn aftanívagninn út af veginum og þurfti aðstoð tækja og mannskapar til að ná honum aftur upp á veginn. Ljósm. sm.