Rebecca Cathrine Kaad Ostenfeld á Hólum í Hvammsveit fékk heldur óhefðbundinn pakka í póstinum fyrir skemmstu. Í pakkanum var stílabók með umslagi innan á kápunni þar sem var að finna lítinn pappastrák sem heitir Flat Stanley. Flat Stanley er á ferð um heiminn fram í apríl á næsta ári. Það var drengur sem heitir Gavin sem sendi hann af stað frá Bandaríkjunum til Svíþjóðar fyrr á árinu og þaðan kom hann svo í hendur Rabeccu. Hugmyndin er að Flat Stanley sé hjá hverri fjölskyldu í tvær vikur í senn og fylgi fjölskyldunni þann tíma. Því næst finnur fjölskyldan einhvern annars staðar í heiminum til að taka á móti honum í tvær vikur. Áður en hann er settur í póst skrifar fjölskyldan um dvöl hans hjá sér í dagbókina hans og lætur fylgja nokkrar myndir. Í apríl mun hann svo koma aftur til Gavin sem getur þá séð hvert Flat Stanley fór og lesið um öll löndin og séð myndir.

: Hér er Flat Stanley ásamt jólasveini á Hólum.

Flat Stanley í heimsókn á Hólum