medium

thumbnail

small

custom-size

Gary Martin gengur til liðs við Víking Ólafsvík

large

1536x1536

2048x2048

Grásleppuveiðidögum fjölgað

Fjölmenningarþema í Heiðarskóla

Toska fríkar út á morgun

ÓH verktakar sjá um fiskmarkaðinn á Akranesi

Mokafli eftir hrygningarstopp

core/freeform

Á morgun, fimmtudaginn 29. nóvember, er árlegur Malaví markaður í Grundaskóla á Akranesi. Hægt verður að kaupa ýmsar vörur sem nemendur hafa unnið undir leiðsögn kennara síðastliðnar vikur. Öll innkoma af markaðnum rennur óskipt í söfnun fyrir börn í Malavíu.

Markaðurinn verður opinn frá kl. 11:45-13:00 og í hádeginu munu nemendur starfrækja sérstakt kaffihús í sal skólans og selja gestum veitingar til styrktar góðu málefni.

Allt frá árinu 2007 hafa fjármunirnir frá nemendum í Grundaskóla farið í að styrkja fátækustu börnin í Chiradzulu og Mwanza til náms. Meðal annars hafa skólagjöld verið greidd, skólabúningar og skólavörur keyptar auk þess sem þau fá félagslegan stuðning frá sjálfboðaliðum Rauða krossins í þorpunum. Mörg barnanna eru munaðarlaus vegna alnæmisfaraldurs og hafa fjármunir einnig nýst til umönnunar þeirra.

„Við erum stolt af þessu verkefni og höldum áfram að breyta krónum í gull og bjóðum alla velunnara velkomna á jólamarkaðinn á fimmtudag, þar má kaupa á hagstæðu verði ýmsa muni og gjafir fyrir jólin,“ segir Sigurður Arnar Sigurðsson, skólastjóri Grundaskóla.

Breyta krónum í gull í Grundaskóla fyrir Malaví