medium

large

thumbnail

1536x1536

small

custom-size

Skallagrímur úr leik eftir tap gegn Þór

Stefán Bjarki Akranesmeistari í pílu 2024

2048x2048

Vegaskemmdir eftir asahláku á laugardaginn

Fengu gull á vorbikarmótaröð í hnefaleikum

Lúðrasveit lék fyrir Borgnesinga

Skagamenn í öðru sæti eftir stórsigur á Fylki

core/freeform

Útgerðarfélagið Guðbjartur ehf. á Hellissandi hefur fengið nýjan bát sem er af gerðinni Cleopatra 38 og ber hann nafnið Lilja SH. Lilja mun leysa af hólmi bátinn Guðbjart SH sem að sögn Þorvarðar Jóhanns Guðbjartssonar útgerðarmanns var orðinn of lítill. Var sá bátur gerður út á balalínu en Liljan er útbúin beitningarvél og hefur þegar hafið róðra. Báturinn var gerður út frá Skagaströnd og keyptur þaðan. Hann hét áður Aldan HU og þar áður Kristinn SH og var þá gerður út frá Ólafsvík. Þorvarður segir að útgerðin hafi sett minni bát upp í þennan nýja en sá hét áður Lilja SH en Guðbjarti SH hefur verið lagt og hefur ekki verið tekið ákvörðun hvað verður gert við hann.

„Það er talsverð hagræðing fyrir okkur að fá svona vel útbúinn bát með beitningarvél,“ segir Þorvarður. „Við erum ekki háðir einu né neinu og getum farið þangað sem fiskur er hverju sinni, en með balalínu er talsverður kostnaður að aka með balana langar vegalengdir. Við breytinguna missum við vissulega línuívilnunina en það skiptir okkur svo sem ekki miklu máli þar sem kvótastaða bátsins er góð.“

Fjórir menn eru í áhöfn bátsins og er Emil Freyr Emilsson skipstjóri. Aðspurður um bátinn segir Emil að hann hafi komið vel út og að þetta sé mikið betra fyrirkomulag en að róa á balalínu og þægilegri vinna; enginn balaburður og vesen. „Við höfum í haust, frá því við fengum nýja báttinn í endaðan ágúst, róið frá Skagaströnd og hafa aflabrögð verið góð og báturinn reynst mjög vel.“

Emil segir að nú sé góðan afla að hafa á Breiðafirði og því hafi hann ákveðið að koma heim i síðustu viku með bátinn. Hinsvegar hefur verið ótíð að undanförnu og því lítið verið hægt að róa.

Nýr bátur til Rifs