Menningarhátíðin Vökudagar hófst á Akranesi síðastliðinn miðvikudag og stendur til 4. nóvember. Mjög þétt dagskrá ýmissa menningarviðburða er að finna í dagskrá hátíðarinnar og ástæða til að hvetja íbúa og nágranna að kynna sér hana vel. Dagskrána má m.a. finna í Skessuhorni. Meðfylgjandi eru nokkrar myndir sem Kolbrún Ingvarsdóttir ljósmyndari Skessuhorns tók á nýliðnum dögum.

Jón Ólafsson og Gunnar Þórðarson voru með upptakt að Vökudögum í Tónbergi á miðvikudagskvöld. Þá var hátíðin sett og veitt menningarverðlaun Akraneskaupstaðar, sem féllu í hlut Ásmundar Ólafssonar.

Hluti gesta á upptakti í Tónbergi.

Ásta Ósk Sigurðardóttir sýnir málaða trémuni á jólagalleríi í afgreiðsluhúsi tjaldsvæðisins við Kalmansvík.

Helga Sesselja Ásgeirsdóttir, Þráinn Haraldsson, Indriði Valdimarsson, Sveinn Arnar Sæmundsson, Jón Guðmundsson og Fjóla Lúðvíksdóttir, voru viðstödd kaffisamsæti, söng og bingó sem haldið var fyrir eldri borgara í Vinaminni í gær.

Vökudagar byrjaðir á Akranesi