Hrútasýning Búnaðarfélags Hvalfjarðar var haldin föstudaginn 19. október á Eystri-Leirárgörðum. Hún var vel heppnuð, lífleg og spennandi. Veitt voru þrenn verðlaun í þremur flokkum hrúta. Að auki voru veitt ný verðlaun – Heiðarhornið fyrir besta hrút sýningarinnar. Áhorfendur kusu fallegustu gimbrar sýningarinnar. Þrjár gimbrar í efstu sætunum voru síðan boðnar upp og rann afrakstur sölunnar til Búnaðarfélagsins. Kvenfélagið Lilja sá svo um að reiða fram veglegar veitingar.

Úrslit urðu þessi (eigendur hrútanna):

Mislitir hrútar

sæti Marteinn Bóas Maríasson, Vestri-Leirárgörðum
sæti Marteinn Njálsson, Vestri-Leirárgörðum
sæti Baldvin Björnsson, Skorholti

Hvítir, kollóttir hrútar

sæti Marteinn Njálsson, Vestri-Leirárgörðum
sæti Marteinn Njálsson, Vestri-Leirárgörðum
sæti Hannes Magnússon, Eystri-Leirárgörðum

Hvítir, hyrndir hrútar

sæti Ólafur Ingi Jóhannesson, Bjarkarási 8
sæti Marteinn Njálsson, Vestri-Leirárgörðum
sæti Guðmundur Sigurjónsson, Bjarteyjarsandi 1

Heiðarhornið, fyrir besta hrút sýningarinnar, kom í hlut Marteins Njálssonar. Áhorfendur kusu um fallegustu gimbrar sýningarinnar. Efstu þrjár gimbrarnar voru síðan boðnar upp og rann féð til Búnaðarfélags Hvalfjarðar. Eigendur gimbranna voru: Guðjón Friðjónsson Hóli, Marteinn Njálsson Vestri-Leirárgörðum og Ólafur Ingi Jóhannesson Bjarkarási 8.

Snókur, verktakar ehf. var gefandi verðlaunabikara og verðlaunapeninga á sýningunni, en Marteinn Njálsson og Ólafur Ingi Jóhannesson gáfu Heiðarhornið sem unnið var af listafólkinu í Grenigerði, Rítu og Páli.

Hrútasýning í Hvalfjarðarsveit