Hafnar eru framkvæmdir við endurgerð Kalmanstorgs á Akranesi, en það er hringtorgið á mótum Esjubrautar, Kalmansbrautar og Akranesvegar. Er torgið í daglegu tali stundum kallað spæleggið. Útbúinn verður nýr göngustígur norðan við Esjubraut og lagfæra á yfirborð götunnar til austurs að Esjutorgi, á mótum Esjubrautar, Innnesvegar og Þjóðbrautar. Samhliða gatnaframkvæmdunum munu Veitur endurnýja hitaveitu, vatnsveitu, fráveitu og rafveitu á svæðinu.

Umferð er beint með hjáleið inn á Esjubraut í báðar áttir frá Akranesvegi. Einnig er lokað fyrir umferð um Kalmanstorg og hluta Kalmansbrautar frá Esjubraut að innkeyrslunni á bakvið Skagaver frá og með deginum í dag, miðvikudeginum 3. október, í allt að tíu vikur.

Gera má ráð fyrir aukinni umferð vinnuvéla á svæðinu og öðru raski vegna framkvæmdanna. Íbúar mega auk þess búast við rekstrartruflunum í veitukerfum á verktíma. Verða þeir upplýstir um þær hverju sinni.

: Steypt gatan var brotin upp með fleyg og efninu síðan mokað á bíl með beltagröfu.

Gatnaframkvæmdir í gangi á Akranesi