medium

large

thumbnail

1536x1536

2048x2048

small

custom-size

Borgfirðingabók komin á Storytel

Hvalfjörður – efnaverksmiðja í bígerð

Úrslit í stærðfræðikeppni grunnskólanna á Vesturlandi

Hljóðhönnuðurinn Gulli Gunnarsson vinnur til BAFTA verðlauna

Hafnarstjórinn sem hefði getað orðið prestur

„Að vera á sjó var eins og hver önnur vinna“

core/freeform

Sunnudaginn 16. september næstkomandi klukkan 16 verða haldnir tónleikar í Innra-Hólmskirkju í Hvalfjarðarsveit. Laufey Sigurðardóttir fiðluleikari og Páll Eyjólfsson gítarleikari munu þar flytja tónverk frá barokktímanum og til okkar daga. Það er listafélagið Kalman sem stendur fyrir tónleikunum. Á næstu misserum munu fara fram tónleikar í kirkjunni þar sem allur aðgangseyrir mun renna í viðahaldssjóð kirkjunnar, en viðhaldi hennar hefur eins og fram hefur komið í Skessuhornis verið verulega ábótavant svo áratugum skiptir og eru komandi tónleikar liður í því að safna í sjóðinn.

Innri-Hólmur í Hvalfjarðarsveit er einn elsti kirkjustaður á landinu. Segir í Landnámu að þar hafi verið reist kirkja nokkuð fyrir kristnitöku árið 1000. Vitað er að þar var kirkja þegar tíundarlög voru sett árið 1096. Kirkjan sem nú stendur í Innra-Hólmi var vígð árið 1892. Henni var valinn staður á fallegum stað og hefur kirkjan og umhverfi hennar verið afar vinsælt myndefni í gegnum tíðina. Inni í kirkjunni er afar góður hljómburður að sögn Sveins Arnars Sæmundssonar organista og má segja að kirkjan sé afar heppileg undir tónleikahald.

Tónlistarfólkið, Laufey og Páll, hafa starfað saman frá árinu 1986. Þau hafa haldið tónleika víðs vegar um landið sem og erlendis og gert upptökur fyrir útvarp og sjónvarp. Samspil þeirra er rómað fyrir fágun og glæsileika og það er ekki vafi, að efnisskrá þeirra mun hljóma vel í Innra-Hólmskirkju.

Tónleikarnir hefjast klukkan 16 og verða um klukkustundar langir. Aðgangseyrir er kr. 2.500 og rennur óskiptur í viðhaldsjóð Innra-Hólmskirkju eins og áður sagði. Heitt verður á könnunni og nýbakaðar kleinur í boði, eftir tónleika.

[caption id="attachment_24814" align="alignnone" width="600"]<img class="wp-image-24814 size-medium" src="https://skessuhorn.is/wp-content/uploads/2018/09/Tónleikar-í-Innra-Hólmskirkju-til-styrktar-viðhaldssjóði_1-600x404.jpg" alt="" width="600" height="404" /> Innra-Hólmskirkja.[/caption]

Tónleikar í Innra-Hólmskirkju til styrktar viðhaldssjóði