medium

large

thumbnail

1536x1536

2048x2048

small

custom-size

Gríðarlega góður andi og stemning í hópnum

Söngleikurinn Grease frumsýndur á föstudag

Góð afkoma hjá Borgarbyggð

Ruslið og angistin

Þór hafði sigur á Skallagrími í spennuleik

Skipulagsfræðingur telur Hvassahraun úr sögunni og vill varaflugvöll í Borgarfjörð

core/freeform

Í samningum bænda og ríkis sem tók gildi 1. janúar 2017 er sett skilyrði fyrir stuðningsgreiðslum til bænda að þeir þurfi að vera þátttakendur í afurðaskýrsluhaldi og skuli skila fullnægjandi skýrsluhaldi innan tímamarka. Þannig er kveðið á um það í reglum um stuðning við sauðfjárrækt að sauðfjárbændur skuli skila vorbók í Fjárvís eigi síðar en 20. ágúst ár hvert, ella skuli stuðningsgreiðslur frestast frá og með 1. september það ár. Matvælastofnun, sem annast stuðningsgreiðslur, ber því samkvæmt þessu að fresta greiðslum í september til þeirra sauðfjárbænda sem hafa ekki skilað vorbók í Fjárvís. Í tilkynningu frá MAST segir að 277 sauðfjárbændur hafi þannig ekki enn skilað vorbók í Fjárvísi. „Þessi fjöldi kemur verulega á óvart í ljósi þess að skilafresti var frestað um mánuð frá fyrra ári til að gefa bændum rýmri tíma til að ganga frá skýrsluhaldinu, sem og auðvitað að þetta mun þýða frestun á stuðningsgreiðslum,“ segir í tilkynningu.

Næsta útgreiðsla stuðningsgreiðslna er 1. október, sem er þá síðasta greiðsla til sauðfjárbænda á þessu ári, en sauðfjárbændur fengu greiddar nóvember- og desembergreiðslur fyrirfram fyrr á árinu í samræmi við reglugerð um stuðning við sauðfjárrækt. Þeir bændur sem höfðu ekki skilað vorbók á tilsettum tíma fá septembergreiðslu greidda í október þegar þeir hafa skilað inn vorbókinni. Fyrirspurnir um stuðningsgreiðslur sem ekki hafa borist skulu sendar á netfangið <a href="mailto:saudfe@mast.is">saudfe@mast.is</a>.

Margir sauðfjárbændur skiluðu ekki vorbók á tilsettum tíma