Hvatt til hitunar á frosnu grænmeti fyrir neyslu

„Matvælastofnun og Sóttvarnarlæknir hvetja neytendur til að hita allt frosið grænmeti fyrir neyslu. Þeir hópar sem eru fyrst og fremst í hættu á að verða veikir eru ung börn aldraðir, þungaðar konur og fólk með skert ónæmiskerfi,“ segir í tilkynningu frá Matvælastofnun.

Tveir hafa greins með listeríusýkingu á Íslandi það sem af er ári, skv. upplýsingum frá sóttvarnarlækni. Matvælastofnun og sóttvarnalæknir brýna því fyrir neytendum að fylgja elduanrfyrirmælum sem koma fram á umbúðum frosins grænmetis og maísbauna. Einnig að gæta þess að krossmengun eigi sér ekki stað. Ekki hefur verið hægt að tengja tilfellin hérlendis við neyslu frosins grænmetis.

Aukin tíðni matarsýkinga vegna listeríu hefur kallað á aukið eftirlit og bætt vinnubrögð í matvælavinnslu. „Framkvæmdastjórn Evrópusambandisins (ESB) telur nú að herða þurfi eftirlit með framleiðleiðslu á frystu og léttsoðnu grænmeti og baunum. Setja þurfi skýrar reglur um þessa tegund vöru og er í skoðun að framleiðendur uppfylli sömu i kröfur um eftirlit með listeríu og þeir sem framleiða viðkvæm matvæli tilbúin til neyslu, á borð við reyktan lax og álegg. Líta þurfi á frosið, létteldað grænmeti, sem fullunna vöru þar sem töluvert er um að þess sé neytt án hitunar, s.s. í salati,“ segir í tilkynningu Matvælastofnunar.

Með rannsóknum á erfðaefni bakteríustofna hefur verið hægt að rekja 47 tilfelli sýkinga af völdum listeríu í aðildaríkjum ESB til maísbauna sem framleiddar voru í verksmiðju í Ungverjalandi. Nú hefur sami stofn greinst í frosnu grænmeti, sem framleitt hefur verið á sama stað frá 2016 til 2018. Grunur leikur á um að þrálát listería hafi búið um sig í verksmiðjunni þrátt fyrir þrif og sótthreinsun. Af þeim sökum voru nýlega innkallaðar hér á landi frosnar maísbaunir frá COOP og maís og blandað grænmeti frá Greenyard. Grænmetið var unnið og fryst í verksmiðjunni í Ungverjalandi en pakkað annars staðar.

Tveir greinst með listeríu á árinu