medium

large

thumbnail

1536x1536

2048x2048

small

custom-size

Askja hefur opnað bílaumboð sitt á Vesturlandi

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

Aukin hætta á fuglainflúensu með komu farfuglanna

Glæsilegir tónleikar í Borgarneskirkju

Akranesmótið í pílu um helgina

core/freeform

„Við vorum að ljúka tveggja daga veiði í Reykjadalsá í Borgarfirði og erum algjörlega í skýjunum,“ sagði Pétur Jónsson í samtali við Skessuhorn fyrr í dag. Veitt er á tvær stangir í ánni og náði hollið sem lauk veiði í dag samanlagt 31 laxi og fimm silungum. „Það var lax bókstaflega út um alla á og fengum við laxa á neðsta staðnum í Klettsfljótinu sem og þeim efsta, við Giljafoss. Það var eiginlega alveg sama hvar við kíktum, það var líf á öllum stöðum og mikið af fiski. Ég fékk til dæmis lax í Sturlu-Reykjafljótinu, nýgenginn og lúsin enn með halann,“ sagði Pétur sem var að veiðum í félagi við föður sinn, son og mág. Hinni stönginni deildu frændurnir Þórir Indriðason og Hafsteinn Þórisson. Þeir fengu 25 af þessum löxum sem hollið fékk og voru býsna ánægðir með sinn hlut, rétt eins og Pétur.

Já, ævintýrin gerast enn, því Reykjadalsá er hreint ekki á lista yfir mestu laxveiðiár landsins. Pétur sagði að veiðibókin nú sýndi að 99 laxar eru komnir á land úr ánni sem er metveiði í þessari á, sem einkum er þekkt fyrir haustveiði. Mesta veiði sem skráð hefur verið í lok júlímánaðar fram til þessa er 83 laxar svo það met er kyrfilega slegið þegar júlí er ríflega hálfnaður. „Það verður áfram veisla hjá þeim sem voru að byrja á eftir okkur, því áin er bókstaflega stappfull af fiski. Ég hefði aldrei trúað þessu fyrirfram,“ sagði Pétur.

[caption id="attachment_23898" align="alignnone" width="600"]<img class="wp-image-23898 size-medium" src="https://skessuhorn.is/wp-content/uploads/2018/07/Ævintýrin-gerast-í-laxveiðinni_2-600x800.jpg" alt="" width="600" height="800" /> Pétur Jónsson ásamt syni sínum Jóni Sverri.[/caption]

Ævintýrin gerast í laxveiðinni