Guðni Th Jóhannesson forseti ræðir við fólk á Hrafnistu.

Fullveldisbörnum boðið í veislu á fimmtudaginn

Afmælisnefnd vegna fullveldi Íslands hefur í samstarfi við Hrafnistu boðið öllum Íslendingum fæddum 1918 og fyrr, til hátíðarsamkomu í tilefni aldarafmælis sjálfstæðis og fullveldis Íslands. Alls hafa 64 einstaklingar, búsettir um land allt, fengið boð í veisluna ásamt gesti. Þetta er í fyrsta skipti í sögu þjóðarinnar sem öllum Íslendingum 100 ára og eldri er boðið saman til sérstakrar veislu. Að auki taka íbúar Hrafnistu í Reykjavík þátt í hátíðarsamkomunni. Guðni Th. Jóhannesson forseti Íslands mun ávarpa samkomuna og listamenn skemmta gestum í anda fullveldisársins 1918. Í veislunni verður boðið upp á fullveldisköku sem Landssamband bakarmeistara hefur sett saman og byggir á vinsælum uppskriftum frá 1918. Veislan verður í Hrafnistu í Reykjavík klukkan 14 fimmtudaginn 19. júlí.

Líkar þetta

Fleiri fréttir