medium

large

thumbnail

1536x1536

2048x2048

small

custom-size

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

Aukin hætta á fuglainflúensu með komu farfuglanna

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

core/freeform

Snæfellingurinn Friðbjörn Ásbjörnsson hefur verið ráðinn aðstoðarframkvæmdastjóri FISK Seafood ehf. Í tilkynningu frá fyrirtækinu segir að auk almennra verkefna fyrir félagið muni hann í krafti reynslu sinnar á liðnum árum sinna sérstaklega starfseminni á Snæfellsnesi. „Friðbjörn starfaði áður sem framkvæmdastjóri Soffaniasar Cecilssonar hf. sem m.a. gerir út skip og rekur fiskverkun í Grundarfirði. FISK Seafood festi kaup á félaginu á síðasta ári með það fyrir augum að þróa og efla starfsemi sína á Snæfellsnesi á komandi árum.“

Auk starfa sinna fyrir Soffanias Cecilsson er Friðbjörn stjórnarformaður útgerðarfélagsins Nesvers ehf. Áður var hann m.a. framkvæmdastjóri Fiskmarkaðar Snæfellsbæjar og hefur að baki langan feril í viðskiptum á fiskmörkuðum, í kvótamiðlun og fleiru. Friðbjörn er kvæntur Soffíu Elínu Egilsdóttur líffræðingi og eiga þau tvö börn, Ásbjörn og Særúnu, auk þess að eiga barn í vændum. Um ráðninguna segir Friðbjörn: „Í þessu nýja starfi bíða mín ýmis framsækin verkefni á sviði útgerðar og fiskvinnslu. Rekstur FISK Seafood stendur traustum fótum í þróttmiklu eignarhaldi sem á sér um 130 ára atvinnusögu í íslensku samfélagi. Félagið er eitt af stærstu sjávarútvegsfyrirtækjum landsins og rætur þess á Grundarfirði rekja sig allt frá kaupum þess á Hraðfrystihúsi Grundarfjarðar fyrir nokkrum árum, síðan Farsæli SH-30 og nú síðast Soffaniasi Cecilssyni. Framtíðarsýn FISK Seafood um áframhaldandi uppbyggingu er metnaðarfull og verkefnin framundan krefjandi.“

Þá segir í tilkynningu að FISK Seafood ehf. sé grundvallað á sameinaðri starfsemi Skagstrendings hf. og Fiskiðjunnar Skagfirðings hf. „Á undanförnum árum hefur félagið styrkt starfsemi sína enn frekar með kaupum eða samrunum. FISK Seafood rekur fiskvinnslustöðvar í Grundarfirði og á Sauðárkróki og skipafloti félagsins samanstendur af tveimur ferskfiskstogurum, frystitogara og tveimur togbátum. Auk veiða í íslenskri fiskveiðilögsögu er sótt á mið í Barentshafi og utan lögsögu á Reykjaneshrygg. Stjórnarformaður félagsins er Þórólfur Gíslason kaupfélagsstjóri og framkvæmdastjóri er Jón Eðvald Friðriksson.“

Friðbjörn ráðinn aðstoðarframkvæmdastjóri Fisk Seafood