medium

large

thumbnail

1536x1536

2048x2048

small

custom-size

Ruslið og angistin

Þór hafði sigur á Skallagrími í spennuleik

Skipulagsfræðingur telur Hvassahraun úr sögunni og vill varaflugvöll í Borgarfjörð

Hinrik Örn Bjarnason ráðinn framkvæmdastjóri Eðalfangs

Einar Örn og Bjarki Þór stóðu sig vel

Anna Þorvaldsdóttir hlýtur verðlaunin Chanel Next

core/freeform

Skriðan sem féll í morgun úr Fagraskógarfjalli á Mýrum er tvímælalaust með stærstu jarðvegsskriðum sem fallið hafa í síðari tíð hér á landi. Milljónir rúmmetra frá fjallsrótum og upp undir topp á fjallinu hrundu og nær skriðan um hálfan kílómetra frá fjallinu. Gera verður ráð fyrir að gríðarleg úrkoma í vor og sumar hafi hleypt vatnssósa jarðveginum af stað. Skriðan stíflaði efsta hluta Hítarár nokkru neðan við Hítarvatn og safnast nú vatn fyrir í lóni ofan hennar. Neðan við stífluna er töluvert minna rennsli í ánni, eins og sést á einni af meðfylgjandi myndum.

Talið er að skriðan hafi fallið seint í nótt, en ung kona á bænum Hítardal vaknaði á sjötta tímanum við drunur sem hún taldi hafa verið þrumur. Í morgun blasti svo veruleikinn við, þar sem stórt skarð hefur myndast í fjallinu.

Lögregla hefur nú lokað vegslóða sem liggur að skriðunni, enda er enn að falla grjót úr fjallinu og má fastlega gera ráð fyrir að fleiri skriður geti fylgt í kjölfarið. Á meðfylgandi mynd sést að ofan við stykkið sem fór úr fjallinu er hár bakki sem líklegt má telja að falli.

Þegar eykst í lóninu ofan við stífluna má gera ráð fyrir að áin finni sér á endanum farveg í smáánni Tálmá, hliðará sem rennur til suðurs neðan við stífluna. Heimamenn eru nú að kanna aðstæður og gera má ráð fyrir að þess verði freistað að rjúfa skarð í stífluna til að Hítará finni sinn rétta farveg.

[caption id="attachment_23742" align="alignnone" width="600"]<img class="wp-image-23742 size-medium" src="https://skessuhorn.is/wp-content/uploads/2018/07/Skriða_3-600x400.jpg" alt="" width="600" height="400" /> Við veiðistaðinn Hraunsnef í Hítará hefur vatnsborð lækkað um hálft annað fet frá í morgun.[/caption]

[caption id="attachment_23740" align="alignnone" width="600"]<img class="wp-image-23740 size-medium" src="https://skessuhorn.is/wp-content/uploads/2018/07/Skriða_1-600x400.jpg" alt="" width="600" height="400" /> Skriðan féll á að giska hálfan kílómetra niður á láglendið.[/caption]

[caption id="attachment_23739" align="alignnone" width="600"]<img class="wp-image-23739 size-medium" src="https://skessuhorn.is/wp-content/uploads/2018/07/Skriða_00-600x419.jpg" alt="" width="600" height="419" /> Mikil hrunhætta er úr fjallinu og hefur lögregla lokað vegslóðanum sem liggur að svæðinu.[/caption]

[caption id="attachment_23736" align="alignnone" width="600"]<img class="wp-image-23736 size-medium" src="https://skessuhorn.is/wp-content/uploads/2018/07/Risastór-aurskriða_1-600x450.jpg" alt="" width="600" height="450" /> Lón er tekið að myndast ofan við stífluna. Þegar það yfirfyllist má gera ráð fyrir að áin leiti sér farvegs niður Tálmá, nema farið verði með stórvirkar vinnuvélar á svæðið til að rjúfa stífluna þannig að Hítará leit rétta farvegar síns. Ljósm. Finnbogi Leifsson.[/caption]

<img class="alignnone size-medium wp-image-23741" src="https://skessuhorn.is/wp-content/uploads/2018/07/Skriða_2-600x400.jpg" alt="" />

Milljónir rúmmetra hrundu úr Fagraskógarfjalli