medium

large

thumbnail

1536x1536

small

custom-size

Skallagrímur vann Þór og tryggði sér oddaleik

Fellsströndin og Gullni söguhringurinn

Héldu smiðjuhelgi í Borgarnesi

Ekki byrði heldur virði – virkara og hraustara eldra fólk

2048x2048

Leikskólabörn skoðuðu sjúkrabílinn

Héldu forvarnadag í Fjölbrautaskóla Vesturlands

core/freeform

Hópur velunnara Skagaliðsins í knattspyrnu stóð nýverið að kaupum á málverki eftir Bjarna Skúla Ketilsson, Baska, lismálara frá Akranesi. Málverkið er af Pálma Ólafssyni (1913-1988). Pálmi var einlægur stuðningsmáður Skagaliðsins um áratugaskeið. Í hópi áhorfenda var hann áberandi persóna og mörgum eftirminnilegur. Hann var aufúsugestur á leikjum liðsins og naut samvista og vináttu við marga leikmenn liðsins á árum áður. Málverkinu hefur nú verið fært Akraneskaupstað til eignar og komið upp á áberandi stað í hátíðarsalnum að Jaðarsbökkum.

Í gjafabréfi velunnara Skagaliðsins segir m.a.: „Sem kunnugt er þá nær stuðningur við knattspyrnuna á Akranesi langt út fyrir bæjarmörkin og finna má víða um land velunnara og stuðningsfólk. Segja má að Pálmi sé birtingarmynd hins trygga og trausta stuðningsmanns Skagaliðsins, sem aldrei lét sig vanta á völlinn. Knattspyrnan á Akranesi er alþýðumenning og samnefnari, sem nær til allra í samfélaginu óháð starfi og stöðu. Þau verðmæti er mikilvægt að varðveita og stuðla að því að áfram verði knattspyrnan á Akranesi blómleg sameign bæjarbúa og hornsteinn æskulýðsstarfs.“

Fyrrnefndir velunnarar og gefendur myndarinnar eru: Gísli Gíslason, Gunnar Sigurðsson, Jón Gunnlausson, Haraldur Sturlaugsson, Magnús Guðmundsson, Sævar Freyr Þráinsson, Örn Gunnarsson, Kristján Sveinsson, Þórður Þórðarson, Þröstur Stefánsson og Ólafur Adolfsson.

Var birtingarmynd hins trygga og trausta stuðningsmanns