medium

large

thumbnail

1536x1536

2048x2048

small

custom-size

Ferðamannasumar fram undan

Snæfell tapaði í Síkinu

Viðbragðsaðilar úr Borgarbyggð stilltu saman strengi

Ný flokkunareining við Miðgarð

Ólsarar úr leik í Mjólkurbikarnum

Léku sér í rokinu

core/freeform

Guðmundur Ingi Guðbrandsson, umhverfis- og auðlindaráðherra, hefur sett Magnús Guðmundsson, forstjóra Landmælinga Íslands, tímabundið sem framkvæmdastjóra Vatnajökulsþjóðgarðs.

Umhverfisráðherra ákvað í janúar að láta gera óháða úttekt á starfsemi Vatnajökulsþjóðgarðs í samræmi við lög um opinber fjármál. Ástæðan var sú að afkoma og rekstur þjóðgarðsins þótti ekki viðunandi. Úttekt ráðgjafafyrirtækisins Capacent sýnir veruleg frávik í rekstri árið 2017 miðað við fjárheimildir.

Núverandi framkvæmdastjóri Vantajökulsþjóðgarðs, Þórður H. Ólafsson, lætur af störfum samkvæmt samkomulagi hans og ráðherra. Þórður verður sjötugur í haust. Settur framkvæmdastjóri í hans stað er sem fyrr segir Magnús Guðmundsson. Magnús hefur gegnt starfi forstjóra Landmælinga Íslands frá árinu 1999. Auk þess er hann formaður Knattspyrnufélags ÍA. Hann fer í ársleyfi frá Landmælingum til að sinna nýja starfinu hjá Vatnajökulsþjóðgarði.

Magnús Guðmundsson settur framkvæmdastjóri Vatnajökulsþjóðgarði