Meirihlutinn kemur sér fyrir á listaverkinu Brák. Sitjandi að framan: Magnús Smári Snorrason, Lilja Björg Ágústsdóttir og Halldóra Lóa Þorvaldsdóttir. Inni í horninu eru Sigríður Júlía Brynleifsdóttir og Silja Eyrún Steingrímsdóttir.

Þriggja flokka meirihlutasamstarf komið á í Borgarbyggð

Í gærkvöldi var skrifað undir málefnasamning Sjálfstæðisflokks, Vinstrihreyfingarinnar græns framboðs og Samfylkingar og óháðra í Borgarbyggð. „Helstu áherslur í málefnasamningi flokkanna eru að bæta þjónustu og búsetuskilyrði í Borgarbyggð auk þess að byggja upp mikilvæga innviði og mannauð. Gott samstarf allra flokka í sveitarstjórn, vönduð stjórnsýsla og áframhaldandi ábyrgur rekstur mun vera í forgrunni á komandi kjörtímabili. Gengið verður til samninga við Gunnlaug A Júlíusson núverandi sveitarstjóra um áframhaldandi samstarf,“ segir í tilkynningu vegna samstarfs flokkanna.

„Viðræður flokkanna gengu mjög vel og ekki komu upp nein ágreiningsmál í ferlinu.“ Búið er að skipta helstu verkefnum á milli flokkanna. Lilja Björg Ágústsdóttir oddviti Sjálfstæðisflokks verður forseti sveitarstjórnar og Halldóra Lóa Þorvaldsdóttir oddviti VG verður formaður byggðarráðs. Þá fellur formennska í umhverfis- og skipulagsnefnd til VG, formennska í fræðslunefnd til Samfylkingarinnar og óháðra og formennska í velferðarnefnd til Sjálfstæðisflokks. Málefnasamningur verður lagður fyrir fyrsta fund nýkjörinnar sveitarstjórnar.

Líkar þetta

Fleiri fréttir

Skógardagur í Skorradal

Á morgun, laugardaginn 23. júní, verður haldinn skógardagur í Selskógi í Skorradal. Verkefnið er samstarfsverkefni þriggja máttarstólpa í skógrækt á... Lesa meira