medium

large

thumbnail

1536x1536

2048x2048

small

custom-size

Grímutölt Borgfirðings fór fram á laugardaginn

Viktor með þrennu í stórsigri Skagamanna

Nýtt póstbox tekið í notkun í Búðardal

Borgfirðingabók komin á Storytel

Hvalfjörður – efnaverksmiðja í bígerð

Úrslit í stærðfræðikeppni grunnskólanna á Vesturlandi

core/freeform

Sker resturant var um síðustu helgi opnaður við Ólafsbraut 19 í Ólafsvík. Undanfarna mánuði hefur húsnæðið verið tekið í gegn og breytt í veitingastað en áður var Smiðjan dagþjónusta og vinnustofa fyrir fólk með skerta starfsgetu rekin í húsinu sem þar áður hýsti Sparisjóð Ólafsvíkur. Tókust breytingar á húsnæðinu mjög vel og er staðurinn nú allur hinn glæsilegasti. Fyrstu tvo dagana sem Sker restaurant var opinn komu um 400 matargestir, mest heimafólk og voru eigendur staðarins þau Lilja Hrund Jóhannsdóttir, Arnar Laxdal Jóhannsson og Bryndís Ásta Ágústsdóttir hæstánægð með móttökurnar og leggst framhaldið vel í þau. Höfðu starfsmennirnir, sem eru 14 talsins, því í nógu að snúast þessa fyrstu tvo daga.

Matseðill staðarins er mjög fjölbreyttur og ættu allir að geta fundið eitthvað við sitt hæfi enda var lagt upp með það, að sögn Lilju Hrundar, en hún er einnig kokkur á staðnum. Á seðlinum má finna bæði steikur, fisk, pizzur og hamborgara ásamt sérstökum barnamatseðli svo dæmi séu tekin. Einnig er boðið upp á brunch allar helgar á milli kl. 11:30 og 16:00 á laugardögum og sunnudögum. Veitingastaðurinn mun verða opinn alla daga vikunnar frá 11:30 til 16:00 og frá 18:00 til 21:30. Vildu þau Lilja Hrund, Arnar og Bryndís Ásta koma á framfæri kæru þakklæti fyrir góðar móttökur.

Góðar viðtökur þegar Sker restaurant var opnaður í Ólafsvík