Bændur hyggjast fjárfesta fyrir 6,6 milljarða í nautgriparækt

Matvælastofnun hefur lokið yfirferð umsókna um fjárfestingastuðning í nautgriparækt vegna framkvæmda á árinu 2018. 190 umsóknir bárust. Af þeim voru 181 umsókn samþykkt, þar af 77 framhaldsumsóknir, en níu umsóknum var hafnað. Heildarkostnaður við fjárfestingar nautgripabænda vegna framkvæmda á þessu ári er samkvæmt samþykktum umsóknum um 6,6 milljarðar króna. Matvælastofnun hefur til úthlutunar samkvæmt fjárlögum ársins 198 milljónir króna og reiknast styrkhlutfall um 3% af heildarfjárfestingakostnaði bænda, en skerða þurfti framlög hlutfallslega á allar samþykktar umsóknir í samræmi við 25. gr. reglugerðarinnar þar sem fjármunir hrökkva ekki til að greiða hámarksstyrkhlutfall sem er 40%. Í ár reiknast hæsti styrkur 7,2 milljónir króna sem þýðir að viðkomandi bóndi fjárfestir fyrir um 240 milljónir króna á árinu. Lægsti styrkur sem veittur er nemur um 40 þúsund krónum.

Fjárfestingastuðningur er veittur vegna framkvæmda sem stuðla að hagkvæmari búskaparháttum, bættum aðbúnaði nautgripa og aukinni umhverfisvernd. Markmið stuðningsins er að hraða því að framleiðendur standist kröfur skv. reglugerð um velferð nautgripa nr. 1065/2014. Stuðningurinn er veittur vegna nýframkvæmda og/eða endurbóta á eldri byggingum og kom fyrst til úthlutunar á árinu 2017 eftir innleiðingu nýrra búvörusamninga.

Líkar þetta

Fleiri fréttir

Látrabjarg er nú friðlýst

Guðmundur Ingi Guðbrandsson, umhverfis- og auðlindaráðherra, hefur skrifað undir plagg til friðlýsingar Látrabjargs. Viðstaddir undirskriftina voru fulltrúar Bjargtanga, félags land-... Lesa meira