medium

large

thumbnail

1536x1536

2048x2048

small

custom-size

Fjölbreyttir og ennþá fjölskylduvænni Írskir dagar hefjast í næstu viku

Góð stemning við upphaf Brákarhátíðar og Hinsegin hátíðar Vesturlands – syrpa

Framlög til jöfnunar tónlistarnáms

Góður gangur í lagfæringum Dagverðarneskirkju

Tvöföldun vegar um Kjalarnes ekki boðin út á þessu ári

Mikið viðbragð þegar leki kom að fiskibáti

core/freeform

Eins og fram kom í frétt Skessuhorns í síðasta mánuði var samþykkt á fundi sveitarstjórnar Dalabyggðar 17. apríl að slíta viðræðum við Arnarlón ehf. um sölu á eignum Dalabyggðar að Laugum í Sælingsdal. Var það vegna ágreinings um veðröð lána. Vildi sveitarstjórn ekki ábyrgjast skuldabréf sem væri neðan en á öðrum veðrétti á fasteignum. Sveinn Pálsson sveitarstjóri greinir frá því í dag á vef Dalabyggðar að fulltrúar Arnarlóns ehf. hafi gert athugasemdir við þessa afgreiðslu málsins þar sem um hafi verið að ræða drög að samningum til umræðu en ekki endanlega samninga til samþykktar eða synjunar.  „Úr þessu fæst ekki skorið nema fyrir dómstólum,“ skrifar Sveinn. Þetta mál verður vafalítið til umræðu í kvöld á framboðsfundi sem haldinn verður í Dalabúð í aðdraganda kosninga eftir rúma viku.

Í frétt á vef Dalabyggðar segir að 13. maí síðastliðinn hafi Arnarlón ehf. lagt fram tillögu að lausn á málinu án þess að um nýtt tilboð væri að ræða. Sveinn greinir þannig frá í frétt á dalir.is: „Tillagan felst í því að jörðin Sælingsdalstunga verði undanskilin í viðskiptunum og kaupverð lækki sem nemur andvirði jarðarinnar í tilboðinu. Hins vegar fái Arnarlón kauprétt á þeim hluta Sælingsdalstungu sem ætlaður er fyrir frístundahúsabyggð og golfvöll. Megin hluti jarðarinnar (um 2.465 ha. af um 2.830 ha.) yrði þá undanskilinn sölu og kauprétti, þar með megnið af beitarlandi jarðarinnar. Jafnframt að kauprétturinn gildi til ársloka 2022 og kaupverð verði hið sama og hlutur jarðarinnar í tilboðinu. Verði kauprétturinn ekki nýttur hafi Arnarlón forkaupsrétt að þessum hluta jarðarinnar.“ Gangi þetta eftir fær Dalabyggð sama söluandvirði fyrir eignirnar eins og áður hafði verið ætlað en heldur eftir megin þorra lands Sælingsdalstungu. Seljandalán Dalabyggðar yrði á 2. veðrétti á eftir láni Byggðastofnunar.

Málið verður til umfjöllunar á fundi sveitarstjórnar Dalabyggðar 24. maí nk.

Arnarlón vill kaupa Laugar en undanskilja Sælingsdalstungu