medium

large

thumbnail

1536x1536

small

custom-size

Heldri félaga deild Björgunarsveitarinnar Brákar stofnuð

Vigdís Häsler hætt störfum hjá Bændasamtökunum

Kári vann stórsigur á Uppsveitum í Mjólkurbikarnum

Deildarmyrkvi á sólu sýnilegur í dag ef veður leyfir

Háskólar geta nú boðið upp á viðurkennt örnám

Gylfi Sig í aðalhlutverki í sigri Vals á ÍA

core/freeform

Gísli Guðmundsson í Hömluholti í Eyja- og Miklaholtshreppi sendi í gær áskorun til þeirra sem skipa H-lista Betri byggðar í hreppnum um að draga framboðið til baka. Eins og fram kom í frétt Skessuhorns í gær var einungis einum framboðslista skilað inn í gær fyrir lögbundinn lokafresta. Áskorun Gísla er þessi:

„Ágætu félagar og sveitungar sem standa að framboði H-listans - Betri byggð - fyrir komandi sveitarstjórnarkosningar í Eyja- og Miklaholtshreppi, þann 26. maí 2018.

Þar sem ljóst er að ekki hefur komið fram annað framboð til sveitarstjórnar skora ég á ykkur ágætu sveitungar að draga framboð ykkar til baka. Takið ekki kosningaréttinn af íbúunum - leyfið okkar fáu íbúum að nýta einn helgasta rétt hvers íbúa í lýðræðisríki - réttinn til að kjósa. Vinnum saman að því að gera gott sveitafélag betra og eigum samtal okkar á milli frekar en að vera með sjálfkjörna, umboðslausa sveitarstjórn. Í svo fámennu sveitarfélagi verðum við að axla ábyrgð og vinna saman að sameiginlegum hagsmunamálum. Kosningar, í svo fámennu sveitarfélagi, byggðar á listum og/eða sjálfkjörinni sveitarstjórn stuðlar að sundrungu innansveitar sem við megum ekki við.

Góðir sveitungar! Ég vek athygli ykkar á eftirfarandi grein eftir Svavar Garðarsson sem birtist í Skessurhorni þann 25/4 2018. Ég trúi ekki að þið ágæta fólk á H-lista - Betri byggð - vilji láta það um ykkar spyrjast að fremja VALDARÁN í okkar sveit á árinu 2018.

Virðingarfyllst,

Gísli Guðmundsson, Hömluholti.“

&nbsp;

<a href="https://skessuhorn.is/adsendar-greinar/valdaran-og-engar-kosningar-til-sveitarstjornar/">Grein Svavars Garðarsson má lesa hér.</a>

Sendir áskorun til Betri byggðar í Eyja- og Miklaholtshreppi