Lilja Alfreðsdóttir mennta- og menningarmálaráðherra hóf átakið í morgun ásamt fleira góðu fólki.

Verkefnið Hjólað í vinnuna hafið

Hið árlega átak „Hjólað í vinnuna,“ stendur yfir dagana 2. – 22. maí og var því formlega ýtt úr vör í morgun. Verkefnið höfðar til starfsmanna á vinnustöðum landsins og hefur þátttakan margfaldast á þeim 15 árum sem liðin eru frá því að verkefnið fór af stað. Það er Íþrótta- og Ólympíusamband Íslands sem stendur fyrir því. „Meginmarkmið Hjólað í vinnuna er að vekja athygli á virkum ferðamáta sem heilsusamlegum, umhverfisvænum og hagkvæmum samgöngumáta. Þátttakendur eru hvattir til þess að hjóla, ganga, hlaupa eða nýta annan virkan ferðamáta til og frá vinnu. Keppt er um fjölda þátttökudaga en lið geta jafnframt skráð sig í kílómetrakeppnina þar sem keppt er um heildarfjölda kílómetra. Landsmenn hafa tekið átakinu gríðarlega vel frá upphafi og verkefnið skapað alla jafna góða stemningu á vinnustöðum landsins,“ segir í tilkynningu frá ÍÓÍ.

Líkar þetta

Fleiri fréttir