Sjálfstæðismenn í Snæfellsbæ kynntu og samþykktu framboðslista sinn fyrir komandi sveitarstjórnarkosningar á fundi fulltrúaráðs Sjálfstæðisfélaganna í Snæfellsbæ í gærkvöldi. Í síðustu bæjarstjórnarkosningum hlaut D-listinn fjóra bæjarfulltrúa af sjö og gefa þrír af þeim kost á sér áfram til forystu; þau Björn Haraldur Hilmarsson, Júníana Björg Óttarsdóttir og Rögnvaldur Ólafsson en formaður bæjarráðs síðustu fjögur ár, Kristjana Hermannsdóttir, tekur nú 13. sæti listans. Bæjarstjóraefni D-listans er sem fyrr Kristinn Jónasson bæjarstjóri, en hann hefur verið bæjarstjóri í Snæfellsbæ óslitið frá 1998, eða í 20 ár.

Eftirtaldir skipa framboðslistann:

1. Björn Haraldur Hilmarsson útibússtjóri
2. Júníana Björg Óttarsdóttir kaupmaður
3. Auður Kjartansdóttir fjármálastjóri
4. Rögnvaldur Ólafsson skrifstofumaður
5. Örvar Marteinsson sjómaður
6. Þorbjörg Erla Halldórsdóttir lögreglukona
7. Jón Bjarki Jónatansson sjómaður
8. Þórunn Hilma Svavarsdóttir Poulsen bóndi
9. Illugi Jens Jónasson skipstjóri
10. Lilja Hrund Jóhannsdóttir matreiðslumaður
11. Þóra Olsen útgerðarkona
12. Andri Steinn Benediktsson framkvæmdastjóri
13. Kristjana Hermannsdóttir skrifstofumaður
14. Margrét Vigfúsdóttir fyrrverandi afgreiðslustjóri.