medium

large

thumbnail

small

custom-size

Skagamenn komnir upp við vegg í körfunni

Snæfell tapaði í leik eitt gegn Tindastól

1536x1536

2048x2048

Magnús 60 ára í dag

Léku sér í rokinu

Land og verk með lægsta tilboðið

Heldri félaga deild Björgunarsveitarinnar Brákar stofnuð

core/freeform

Föstudaginn 20. apríl milli klukkan 13 og 18 setja nokkrir myndlistarmenn upp Pop-up vinnustofu í Safnahúsinu í Borgarnesi. Þar munu þeir teikna/mála gesti og gangandi og ýmis myndefni og verður hægt að kaupa verkin á staðnum. Ágóði af sölu verkanna rennur til starfsemi Safnahúss.

Í kynningu á verkefninu segir: „Pop up verkefni má líkja við óvæntar uppákomur og mætti í þessu tilviki þýða þetta sem „sprettvinnustofu.“ Listamennirnir eru þessir: Josefina Morell, Cristina Cotofana, Frans Van de Reep og Michelle Bird. Þau eru öll búsett í Borgarfirði. Cristina og Michelle hafa báðar sýnt í Hallsteinssal í Safnahúsi og Josefina mun sýna þar á árinu 2019.  Cristina opnaði sýningu í salnum 10. mars sl. og hafa fíngerðar pennateikningar hennar vakið verðskuldaða athygli.“

Föstudagurinn verður síðasti opnunardagur sýningar Cristine. Þá munu listamennirnir breyta Hallsteinssal í vinnustofu sína frá kl. 13.00 til 18.00 og eru gestir boðnir velkomnir til að fylgjast með vinnu þeirra, sitja jafnvel fyrir og kaupa verk ef þeim sýnist svo. Ágóðinn rennur allur til rekstrar Safnahússins. Vilja þau með þessum hætti þakka fyrir mikilvægt hlutverk hússins í listalífi héraðsins. „Vonast er til að sem flestir geti átt leið í Safnahúsið á föstudaginn og upplifa vinnustofustemninguna,“ segir í tilkynningu.

Hallsteinssalur er nefndur eftir velgjörðarmanni Borgarness, Hallsteini Sveinssyni (1903-1995) sem gaf þangað mikið og sérstakt listmunasafn á sínum tíma. Í salnum eru fjölbreyttar myndlistarsýningar á ári hverju.

Næsta sýning þar verður opnuð 5. maí næstkomandi og verða þar verk eftir Áslaugu Þorvaldsdóttur áhugaljósmyndara ásamt textum eftir Sigríði Kristínu Gísladóttur.

Listin til stuðnings Safnahúsi