Frá vinstri: Hafþór Svanur Svansson, Ægir Þór Þórsson, Helgi Már Bjarnason, Höskuldur Árnason og Viðar Páll Hafsteinsson. Ljósm. þa.

Ný stjórn kosin í Lífsbjörgu

Framhaldsaðalfundur var haldinn í björgunarsveitinni Lífsbjörg í Snæfellsbæ 10. apríl sl. Halda þurfti framhaldsaðalfund þar sem ekki náðist að stilla upp stjórn tíu dögum fyrir aðalfund eins og reglur félagsins kveða á um. Auk venjulegra aðalfundastarfa var kosin ný stjórn og urðu töluverðar breytingar á henni. Halldór Sigurjónsson lét af formennsku, Hafþór Svanur Svansson lét af störfum sem varaformaður en tók sæti ritara. Ægir Þór Þórsson lét af störfum sem gjaldkeri og tók sæti meðstjórnanda. Tveir voru í framboði til formanns; þeir Hlynur Hafsteinsson og Helgi Már Bjarnason og var kosið um þá. Ný stjórn Lífsbjargar er því þannig skipuð: Helgi Már Bjarnason formaður, Höskuldur Árnason varaformaður, Viðar Páll Hafsteinsson gjaldkeri, Hafþór Svanur Svansson ritari og Ægir Þór Þórsson meðstjórnandi.

Líkar þetta

Fleiri fréttir