medium

large

thumbnail

1536x1536

2048x2048

small

custom-size

Uppbygging á aðstöðu til jarðræktarrannsókna að hefjast á Hvanneyri

Hlutverk feðranna í fermingarundirbúningnum

Tap hjá ÍA á móti Fjölni í fyrsta leik í úrslitakeppninni

Jafnt hjá ÍA og Aftureldingu í Lengjubikarnum

„Vorum með blóm og gullfiska í vösum“

Rekstrarniðurstaða Hvalfjarðarsveitar jákvæð um 500 milljónir á síðasta ári

core/freeform

Í sumarbyrjun, þriðjudaginn 24. apríl næstkomandi, flytur Helgi Bjarnason blaðamaður fyrirlestur í Bókhlöðu Snorrastofu um íþróttamótin, sem haldin voru á Hvítárbakka og Ferjukotsbökkum og sundkeppni sem fram fór um árabil í Hvítá og Norðurá. Segir þar af blöndu skemmtunar og menningar, sem héraðsmenn stóðu fyrir og nefnir Helgi undirheiti fyrirlestursins, “héraðsfólk sameinast í skemmtun, menningu og íþróttum”. Íþróttakeppni þessi átti sér nokkra sérstöðu á landsvísu og þá verður einnig sagt frá nokkrum íþróttamönnum héraðsins.

Helgi Bjarnason er 64 ára að aldri, frá Laugalandi í Stafholtstungum. Hann stundaði íþróttir og var í forystu ungmennafélagsstarfs í Stafholtstungum, Borgarnesi og Ungmennasambandi Borgarfjarðar á sínum betri árum. Hann hefur starfað lengi sem blaðamaður við Morgunblaðið. Helgi hefur skrifað greinar um sögu íþróttamóta Borgarfjarðar fyrir Borgfirðingabók. Fyrri hlutinn birtist í bókinni 2016 og seinni hlutinni í bókinni sem væntanleg er á næstunni.

Fyrirlesturinn hefst að venju kl. 20:30 þar sem boðið er til kaffiveitinga og umræðna. Aðgangseyrir er kr. 500 og Snorrastofa tekur fagnandi á móti heimamanni, sem hefur lagt sig eftir að rannsaka og skrá þennan merkilega þátt í sögu Borgarfjarðarhéraðs.

<em>-fréttatilkynning</em>

Fjallar um íþróttamót Borgfirðinga á bökkum Hvítár