Bjarteyjarsandur og Narfeyrarstofa meðal verðlaunahafa

Nú í hádeginu veiddi Oddný Steina Valsdóttir, formaður Landssamtaka sauðfjárbænda, 21 veitingastað viðurkenninguna Icelandic Lamb – Award of Excellence. Viðurkenning þessi er veitt veitinga- og gististöðum fyrir framúrskarandi matreiðslu á íslensku lambakjöti og eftirtektarverð störf við kynningu á íslenska lambakjötinu til ferðamanna. Tveir staðir á Vesturlandi eru handhafar verðlaunanna í þetta skiptið; Bjarteyjarsandur í Hvalfirði og Narfeyrarstofa í Stykkishólmi.

Dómnefnd skipuð Sigurbjörgu Jónasdóttur, útvarpskonu Ríkisútvarpsins, Dominique Plédel Jónsson hjá SlowFood Reykjavík og Hafliða Halldórssyni, verkefnastjóra hjá Icelandic Lamb, sá um að velja staðina sem hlutu viðurkenningar.

Þeir staðir sem hlutu viðurkenninguna að þessu sinni eru, í stafrófsröð:

Bjarteyjarsandur í Hvalfirði

Eldhúsið Restaurant-Gistihúsið Egilsstöðum

Fiskfélagið

Fiskmarkaðurinn

Fosshótel Jökulsárlón Restaurant

Grillið – Hótel Sögu

Haust Restaurant – Fosshótel Reykjavík

Hótel Anna

Hótel Smyrlabjörg

Íslenski Barinn

Kopar

Lamb Inn, Eyjafjarðarsveit

Matarkjallarinn

Múlaberg Bistro

Narfeyrarstofa

Rústík

Salka,Húsavík

Slippurinn, Vestmannaeyjum

Sushi Social

Von Mathús, Hafnarfirði

VOX

Er þetta í annað sinn sem þessi viðurkenning er veitt samstarfsaðilum Icelandic Lamb á sviði veitinga- og gististaða. Alls eru yfir 90 íslenskir veitingastaðir samstarfsaðilar sauðfjárbænda í gegnum verkefnið Icelandic Lamb. Er því ætlað að undirstrika sérstöðu íslenskra sauðfjárafurða með tilvísun til uppruna, hreinleika og gæða. „Árangurinn hefur farið fram úr björtustu vönum og sala á lambakjöti aukist verulega hjá veitinga- og gististöðum sem taka þátt í verkefninu,“ segir í tilkynningu frá Icelandic Lamb.

Framúrskarandi í matreiðslu á íslensku lambakjöti