Andlát – Þorsteinn Þorvaldsson á Akranesi

Þorsteinn Þorvaldsson vélstjóri lést mánudaginn 2. apríl síðastliðinn á Heilbrigðisstofnun Vesturlands á Akranesi, 93 ára að aldri. Þorsteinn var einn af stofnfélögum Golfklúbbsins Leynis og minnast félagar hans í klúbbnum Þorsteins með meðfylgjandi orðum:

„Þorsteinn var einn af frumherjum Golfklúbbsins Leynis og einn af stofnfélögum klúbbsins.  Þorsteinn var formaður í 13 ár samfleytt frá árinu 1967 og sat í stjórn klúbbsins í rúm 20 ár. Þorsteinn var gerður heiðursfélagi Leynis á 20 ára afmæli klúbbsins árið 1985 og Elín Hannesdóttir eftirlifandi eiginkona hans sömuleiðis árið 1992.

Það er ekki á neinn hallað þótt fullyrt sé að með krafti sínum og dugnaði hafi hann öðrum fremur haldið klúbbnum gangandi fyrstu áratugi í starfi klúbbsins og skapað honum smám saman þann sess sem hann hefur í dag. Þorsteinn innti af hendi mikla sjálfboðavinnu frá fyrsta degi sem fólst í uppbyggingu vallar, vallarumhirðu og vélaviðhaldi sem klúbburinn er þakklátur fyrir.

Golfklúbburinn Leynir minnist Þorsteins með miklum hlýhug og sendir eftirlifandi eiginkonu og fjölskyldu hugheilar samúðarkveðjur.“

Líkar þetta

Fleiri fréttir