Byggðaumræðan frá óvæntum hliðum á Landsbyggðarlatte

Annan dag í páskum hefur göngu sína nýr umræðuþáttur á N4 sem ber nafnið Landsbyggðarlatté. Í þessum þætti verður komið víða við í umræðunni um landsbyggðarmál. Nafnið á þættinum er til að undirstrika að hann brýtur svolítið upp klisjunar sem einkenna oft umræðuna um byggðamál. „Í þættinum verða landsmálin rædd af áhugafólki um samfélags- og byggðamál á forsendum ólíkrar landsbyggðar, velt upp mikilvægum viðfangsefnum sem sjaldnast eru talin til byggðamála og leitað að nýjum og áhugaverðum hliðum á gömlum og lúnum þrætueplum byggðaumræðunar. Áhersla verður lögð á opna og uppbyggilega umræðu um mikilvæg málefni.“

Þáttastjórnendur Landsbyggðarlatté eru Þóroddur Bjarnason prófessor, Eva Pandora Baldursdóttir sérfræðingur, Jón Þorvaldur Heiðarsson lektor og Brynhildur Pétursdóttir framkvæmdastjóri. Þá fá þáttastjórnendur til sín áhugafólk um hin ýmsu málefni landsbyggðarinnar.

Líkar þetta

Fleiri fréttir