
Húnvetningar gjörsigruðu í Vesturlandsriðlinum
Í dag var keppt í fjórum riðlum undankeppni Skólahreysti, hreystikeppni grunnskóla. Keppnin er liðakeppni og fimm gerðir þrauta; hraðaþraut, upphýfingar, armbeygjur, dýfur og hreystigreip. Í Vesturlandsriðlinum gerðu nýir skólar sig gildandi á toppnum og þeir sem vermt hafa þau sæti á liðnum árum skoruðu nokkrir mjög lágt í keppninni. Sigurvegarar, og skólinn sem fer í úrslitakeppnina, er Grunnskóli Húnaþings vestra. Hlutu nemendur hans 55 stig. Í öðru sæti varð Grunnskóli Borgarfjarðar með 44,5 stig og Grunnskólinn í Stykkishólmi, sigurvegari riðilsins í fyrra, varð í þriðja sæti með 43 stig.
Úrslit urðu þessi:
- Grunnskóli Húnaþings vestra 55 stig
- Grunnskóli Borgarfjarðar 44,5 stig
- Grunnskólinn í Stykkishólmi 43 stig
- Grunnskólinn í Grundarfirði 41,5 stig
- Brekkubæjarskóli á Akranesi 36 stig
- Grunnskóli Snæfellsbæjar 30,5 stig
- Heiðarskóli í Hvalfjarðarsveit 26,5 stig
- Auðarskóli í Dölum 23,5 stig
- Grundaskóli á Akranesi 22 stig
- Grunnskólinn í Borgarnesi 7,5 stig.