Okkar Stykkishólmur kynnti í gærkvöldi framboðslista sinn á vel sóttum opnum fundi sem fram fór í Skúrnum í Stykkishólmi. Listinn mun bjóða fram undir listabókstafnum O. „Okkar Stykkishólmur leggur m.a. áherslu á að mikilvægar ákvarðanir verði teknar með samstarfi allra bæjarfulltrúa í stað meirihlutaræðis. Í samræmi við það leggur listinn til að auglýst verði eftir bæjarstjóra að kosningum loknum,“ segir í tilkynningu. Þá er bent á að þeir sem vilja fræðast meira um starf framboðsins eru hvattir til að heimasækja heimasíðuna www.okkarstykkisholmur.is. Þá er framboðið einnig með síðu á Facebook og Instagram.

Listinn lítur svona út:

1. Haukur Garðarsson (45), skrifstofustjóri hjá Rarik
2. Erla Friðriksdóttir (49), eigandi og framkvæmdastjóri Íslensks æðardúns
3. Theódóra Matthíasdóttir (38), ritari Breiðafjarðarnefndar og frumkvöðull
4. Árni Ásgeirsson (32), náttúrufræðingur á Háskólasetri og yngri flokka þjálfari
5. Heiðrún Höskuldsdóttir (48), læknaritari og verslunareigandi
6. G. Björgvin Sigurbjörnsson (34), aðstoðarskólastjóri Grunnskóla Grundarfjarðar
7. Hjalti Viðarsson (40), dýralæknir
8. Ragnheiður Harpa Sveinsdóttir (38), kennari í Grunnskólanum í Stykkishólmi
9. Rósa Kristín Indriðadóttir (28), leikskólaleiðbeinandi og veitingahússeigandi
10. Jón Jakobsson (56), sjómaður og æðarbóndi
11. Kristín Rós Jóhannesdóttir (35), kennari í Fjölbrautaskóla Snæfellinga
12. Björgvin Guðmundsson (67), starfsmaður Fiskistofu
13. Ísól Lilja Róbertsdóttir (18), listakona og framhaldsskólanemi
14. Jósep Ó. Blöndal (70), læknir.