medium

large

thumbnail

1536x1536

2048x2048

small

custom-size

Land og verk með lægsta tilboðið

Heldri félaga deild Björgunarsveitarinnar Brákar stofnuð

Vigdís Häsler hætt störfum hjá Bændasamtökunum

Kári vann stórsigur á Uppsveitum í Mjólkurbikarnum

Deildarmyrkvi á sólu sýnilegur í dag ef veður leyfir

Háskólar geta nú boðið upp á viðurkennt örnám

core/freeform

Þriðja mót Vesturlandsdeildarinnar 2018 í hestaíþróttum fer fram fimmtudagskvöldið 22. mars og verður keppt í gæðingafimi. Eins og áður fer mótið fram í Faxaborg í Borgarnesi. „Deildin hefur farið vel af stað í vetur og aldrei verið sterkari. Von er á fjölda sterkra hrossa og knárra knapa og má því búast við góðri skemmtun í Faxaborg. Haukur Bjarnason hafði sigur í fyrra með hest sinn Ísar frá Skáney og má búast við þeim enn sterkari í ár,“ segir í tilkynningu frá deildinni.

Húsið verður opnað klukkan 19.00 og fyrsti hestur mætir stundvíslega kl. 20.00 á gólfið. Miðaverð er 1000 krónur en frítt inn fyrir 10 ára og yngri.

Vesturlandsdeildin er einstaklings- og liðakeppni en 34 knapar mynda sjö, fjögurra og fimm manna lið sem etja kappi í sex greinum hestaíþrótta. Ráslisti verður birtur þriðjudagskvöldið 20. mars (eftir að blaðið fór í prentun).

Staðan í liðakeppninni eftir tvær greinar af sex er sú að Leiknir/Skáney leiðir með 96 stig, í öðru sæti er Berg/Hrísdalur/Austurkot með 85 stig og þriðja er Stelpurnar frá Slippfélaginu &amp; SuperJeep með 81,5 stig.

Í einstaklingskeppninni leiðir Siguroddur Pétursson með 24 stig, liðsfélagi hans Páll Bragi Hólmarsson er annar með 15 stig, Ylfa Guðrún Svafarsdóttir þriðja með 14 stig og síðan þau Berglind, Randi og Haukur frá Leikni/Skáney í sætunum þar á eftir.

Gæðingafimi Líflands í Faxaborg á fimmtudagskvöldið