Akraneskaupstaður veitir styrki til menningar og íþrótta

Bæjarráð Akraneskaupstaðar samþykkti á fundi sínum um miðjan febrúar stykrveitingar úr sjóði atvinnu-, íþrótta- og menningarmála. Alls voru 35 styrkir veittir að þessu sinni að heildarverðmæti 7,7 milljónir króna. Hæstu einstöku styrkirnir hljóða upp á 500 þúsund krónur. Veitast þeir Grundaskóla vegna söngleiks, leiklistarklúbbi NFFA, einnig vegna söngleiks og til Munins kvikmyndagerðar vegna örmynda úr atvinnusögu Akraness.

Að þessu sinni var afgreiðslu atvinnutengdra styrkumsókna frestað vegna stefnumótunar í atvinnumálum hjá Akraneskaupstað. Því voru aðeins veittir styrkir til verkefna á sviði menningar og íþrótta. Jafnframt ákvað bæjarráð að skilyrða greiðslur til íþróttafélaga að því leyti að styrkþegar sem bjóða upp á tómstundaiðkun fyrir börn og unglinga hafi í gildi siðareglur, viðbragðsáætlanir og fræðslu um ofbeldi, kynferðislega áreitni og kynferðisofbeldi fyrir iðkendur og starfsmenn félagsins. Áhersla er að fræðslan nái til þjálfara og starfsmanna. Íþróttafélögin sem fengu úthlutað úr sjóðnum þurfa að skila bæjaryfirvöldum yfirlýsingu frá stjórn félagsins um að slíkt hafi verið uppfyllt fyrir 15. maí næstkomandi.

Samhliða úthlutuninni var ákveðið að skipta sjóðnum upp og verður framvegis sérstakur sjóður fyrir menningarverkefni og annar fyrir íþróttatengd verkefni. Styrkveitingar til atvinnutengdra verkefna verða mótaðar samhliða stefnumótun í atvinnumálum en horft er til þess að þær verði teknar fyrir jafnóðum og þær berast. Mun skóla- og frístundasvið og menningar- og safnanefnd leggja tillögur að reglum fyrir þessa sjóði fyrir bæjarráð í vor.

Hér að neðan má sjá hverjir fengu styrk úr atvinnu-, íþrótta- og menningarmálasjóði að þessu sinni.

kgk

 

Styrkþegi Verkefni Upphæð
Badmintonfélag Akraness Rekstrarstyrkur 200 þús. kr.
Blakfélagið Bresi Rekstrarstyrkur 75 þús. kr.
Brynjar Már Ellertsson Ferðastyrkur 150 þús. kr.
Fimleikafélag Akraness Rekstrarstyrkur 200 þús. kr.
Golfklúbburinn Leynir Tækjabúnaður 200 þús. kr.
Íþróttabandalag Akraness Tækjabúnaður 200 þús. kr.
Íþróttabandalag Akraness Markþjálfi 200 þús. kr.
Íþróttafélagið Þjótur Rekstrarstyrkur 300 þús. kr.
Jóhann Ársæll Atlason Ferðastyrkur 150 þús. kr.
Karatefélag Akraness Æfingabúðir erlendis 150 þús. kr.
Keilufélag Akraness Tækjabúnaður 275 þús. kr.
Knattspyrnufélag ÍA Fyrirlestraröð 300 þús. kr.
Knattspyrnufélagið Kári Boltakaup 150 þús. kr.
Körfuknattleiksfélag ÍA Boltakaup 150 þús. kr.
Sigurfari – siglingafélag Akraness Siglinganámskeið 200 þús. kr.
Sjóbaðsfélag Akraness Viðburður á Írskum dögum 100 þús. kr.
Sundfélag Akraness Rekstrarstyrkur 50 þús. kr.
Valdís Þóra Jónsdóttir Ferðastyrkur 300 þús. kr.
Vélhjólaíþróttafélag Akraness framkvæmdastyrkur 50 þús. kr.
Dularfulla búðin Vísindaskáldsögusafn 350 þús. kr.
Grundaskóli Söngleikur 500 þús. kr.
Hallbera Fríður Jóhannesdóttir Endurprentun Á ferð og flugi með ömmu 50 þús. kr.
Hanna Þóra Guðbrandsdóttir og Birgir Þórisson Klassískir tónleikar á Vökudögum 400 þús. kr.
Ingibjörg Halldórsdóttir Heimildarmyndahátíð 300 þús. kr.
Ingimar Oddsson Steampunk Iceland hátíð 150 þús. kr.
Kór Akraneskirkju Tónleikar í Bíóhöllinni 250 þús. kr.
Kvennakórinn Ymur Tónleikahald 100 þús. kr.
Leikfélagið Skagaleikflokkurinn Námskeið 150 þús. kr.
Leikfélagið Skagaleikflokkurinn Götuleiksýningar 200 þús. kr.
Leiklistarklúbbur NFFA Söngleikur 500 þús. kr.
Lovísa Lára Halldórsdóttir Hrollvekjuhátíð á Akranesi 250 þús. kr.
Muninn kvikmyndagerð ehf. Örmyndir um atvinnusögu Akraness 500 þús. kr.
Norræna félagið á Akranesi Rekstrarstyrkur 100 þús. kr.
FEBAN félag eldri borgara Rekstrarstyrkur 300 þús. kr.
Hljómur kór eldri borgara Rekstrarstyrkur 100 þús. kr.
Líkar þetta

Fleiri fréttir