Lóðirnar Asparskógar 12, 14 og 16 liggja vestan við götuna, samsíða einbýlishúsunum sem þarna sjást. Ljósm. kgk.

Skrifað undir viljayfirlýsingu um húsnæðisfélag

Síðdegis í dag mun Bjarg fasteignafélag undirrita viljayfirlýsingu við Akraneskaupstað um að reistar verði 33 íbúðir í Asparskógum 12, 14 og 16 á Akranesi.  Gert er ráð fyrir að framkvæmdir hefjist síðsumars og að íbúðirnar verði afhentar á fyrsta ársfjórðungi næsta árs. Bjarg fasteignafélag er húsnæðissjálfseignarstofnun sem stofnuð var af verkalýðshreyfingunni.  Félagið er rekið án hagnaðarmarkmiða og er ætlað að tryggja tekjulágum fjölskyldum á vinnumarkaði aðgengi að hagkvæmu og vönduðu íbúðarhúsnæði í langtímaleigu. Þannig mun aukast húsnæðisöryggi þeirra sem taka slíkar íbúðir á leigu. Leiguheimili af þessari tegund eru að danskri fyrirmynd.

Líkar þetta

Fleiri fréttir

Skógardagur í Skorradal

Á morgun, laugardaginn 23. júní, verður haldinn skógardagur í Selskógi í Skorradal. Verkefnið er samstarfsverkefni þriggja máttarstólpa í skógrækt á... Lesa meira