Byssusýning ársins á Stokkseyri

Árleg byssusýning Veiðisafnsins á Stokkseyri verður haldin næstkomandi laugardag og sunnudag frá kl. 11–18 báða dagana í húsakynnum Veiðisafnsins, Eyrarbraut 49 á Stokkseyri. Gallery Byssur/ Byssusmiðju Agnars sýnir úrval skotvopna og búnað til skotveiða ásamt sjónaukum og aukabúnaði, til sýnis og sölu. Fjölbreytt úrval skotvopna verður til sýnis, svo sem haglabyssur, rifflar, skammbyssur, herrifflar ásamt ýmsu tengdu skotveiðum m.a úr einkasöfnum. Kynntar verða byssur frá Browning, Winchester og fleiri framleiðendum. Einnig sjónaukar frá Minox ásamt skotum frá Express. Sýningartilboð verður á byssum og skotum. Sérstakir gestir sýningarinnar eru félagar úr Skotíþróttafélag Suðurlands – SFS og munu félagsmenn sýna byssur í eigu félagsmanna SFS og kynna félagið sem og aðstöðu SFS. Ný stjórn SKOTVÍS  verður á staðnum með kynningu.

-fréttatilk.

Líkar þetta

Fleiri fréttir